Inligtingstegnologiegebou, UP

Die Inligtingstegnologiegebou op die Hatfieldkampus van die Universiteit van Pretoria het aanvanklik eers bekend gestaan as die Opvoedkunde- en Regsgeleerdheidgebou. Dit is deur die argitekfirma Louw, Marais, Marquard en Kuhn ontwerp, en is in 1981 geopen om beide die Fakulteite Regsgeleerdheid en Opvoedkunde te huisves. Sedertdien het albei fakulteite na ander geboue verhuis – die Fakulteit Opvoedkunde het in 2002 na die Groenkloofkampus verskuif en die Fakulteit Regsgeleerdheid het in 2005 hul intrek in die nuwe Regsgeleerdheidgebou geneem. Die gebou word tans deur die Departement Inligtingtegnologie en Onderwysinnovasie gebruik. Dit huisves groot rekenaarlaboratoria wat bekend staan as die Informatorium. Die Departmente Rekenaarwetenskappe, Informatika, Inligtingswetenskappe en Statistiek is ook hier gevestig.