Intel 8259
Die Intel 8259 is 'n programmeerbare onderbrekingsbeheerder (PIC) wat ontwerp is vir gebruik deur die Intel 8085 en Intel 8086 mikroverwerkers. Die oorspronklike model was die 8259 waarvan die hersiende A-weergawe aangepas is vir gebruik deur die 8086 en 8088 verwerkers. Die 8259 voeg 'n hele aantal onderbrekingsintrees saam tot een onderbrekingsuittree na die gasheerverwerker. Dit verskaf die gasheerverwerker dus ekstra vlakke van onderbrekings bo op die een of twee wat die verwerker self ondersteun. Die 8259A is die onderbrekingsbeheerder wat vir die ISA-bus in die oorspronklike IBM PC en IBM AT gebruik is.
