Isolezwe
Isolezwe is 'n Zoeloe-koerant wat deur Independent News & Media besit word, en is die grootste dagblad in KwaZulu-Natal. Dit word daagliks in Durban, Suid-Afrika, in die poniekoerant-formaat gepubliseer.
Kiki Ntuli, die koerant se vorige redakteur, beskryf hul teikenmark as "die moderniserende Zoeloe...iemand wat dalk teruggaan huis toe na die landelike gebiede om 'n koei vir die voorvaders te slag, maar net so gemaklik is om sy gesin uit te neem vir aandete en 'n fliek in 'n winkelsentrum".[1][2]
In Junie 2004 het Isolezwe hul aanlyn-uitgawe bekendgestel; hul mede Independent News & Media-publikasies het die webbladsy as die eerste Zoeloetalige nuuswebwerf beskryf.[3][4]
Geskiedenis wysig
In die vyf jaar ná sy stigting het dit baie beter gevaar as Independent se Engelstalige Suid-Afrikaanse dagblaaie, en het gegroei van 'n sirkulasie van minder as 30 000 tot meer as 95 000, volgens die syfers van die Sirkulasie-ouditburo.[1] Baie van hul sirkulasie bestaan uit enkelkopieverkope eerder as intekening. Dit het sy sterk vertoning in die eerste kwartaal van 2010 voortgesit, met 'n 34%-toename in sirkulasie tot 104 481, vergeleke met 'n 2,3%-daling in verkope in die hele bedryf. Die sirkulasie vir hul Sondag-uitgawe, Isolezwe ngeSonto, het ook 71 219 bereik. Koerantkenners het verskil oor die redes vir die groei; hoofredakteur Mbathi het verhale en plaaslike nuus van menslike belang gekrediteer, terwyl besturende direkteur Brian Porter redaksionele inhoud en sport as "noodsaaklike bestanddele" genoem het.[5]
Sien ook wysig
Verwysings wysig
- ↑ 1,0 1,1 Tolsi, Niren (2007-05-28), "The all new Zulu", Mail and Guardian, http://www.mg.co.za/article/2007-05-28-the-all-new-zulu, besoek op 2010-06-03
- ↑ "Media Update (Isolezwe conquers the streets)". Besoek op 24 Junie 2013.
- ↑ "Zulu goes online with Isolezwe website", Independent Online, 2004-06-21, http://www.iol.co.za/index.php?set_id=1&click_id=31&art_id=iol1087809565896Z400, besoek op 2010-06-03
- ↑ Khan, Farook (2004-06-30), "Isolezwe launches into cyberspace", The Mercury, http://www.themercury.co.za/index.php?fSectionId=283&fArticleId=2132750, besoek op 2010-06-03
- ↑ "Zulu papers lead SA sales", Times Live, 2010-07-12, http://www.timeslive.co.za/business/article545837.ece/Zulu-papers-lead-SA-sales, besoek op 2010-08-26