Jac Braamse

Jac Braamse (1922 - 1987) was ’n Nederlandse digter wat in Suid-Afrika gewoon het.

Lewe en werk

Jac Braamse is op 27 Maart 1922 gebore op die dorp Heinkenszand in Zeeland, naby Middelburg in Nederland. Tydens die Tweede Wêreldoorlog kom hy in 1942 ten dode toe siek in Kaapstad aan. Na sy genesing besluit hy om aan te bly. Op 27 Januarie 1987 pleeg hy in Kaapstad selfmoord deur homself met ’n pistool te skiet.

Skryfwerk

Hy skryf gedigte in Nederlands en Afrikaans en dit word gepubliseer in tydskrifte wat in Willemstad (Curaçao), New York en Kaapstad uitgegee word. In 1947 hou hy op met publiseer. In 1981 vra hy aan sy Nederlandse vriend Freek van Wel of hy sy gedigte na sy dood sal uitgee. Dit lei dan tot die publikasie van “Legaat onder last: gedichten van Jac Braamse”, wat beperk is tot 500 genommerde eksemplare. Sy gedig “Plein” word opgeneem in Gerrit Komrij se bloemlesing “Die Afrikaanse poësie in ’n duisend en enkele gedigte”.

Publikasies

Jaar	Publikasies
1988	Legaat onder last

Bronnelys

Internet

• Nederlandze Poëzie Encyclopedie: http://www.nederlandsepoezie.org/dichters/b/braamse.html