James Franco
James Edward Franco (gebore 19 April 1978) is ’n Amerikaanse akteur, rolprentmaker en toneelspelafrigter. Hy is vir sy rol in 127 Hours (2010) benoem vir ’n Oscar vir beste akteur. Hy is bekend vir rolle in aksieflieks soos die Spider-Man-trilogie (2002–2007), Milk (2008), Pineapple Express (2008), Eat, Pray, Love (2010), Rise of the Planet of the Apes (2011), Spring Breakers (2012), This Is the End (2013) en The Disaster Artist (2017), waarvoor hy ’n Golden Globe gewen het vir beste akteur in ’n komedie of musiekspel. Hy was ook die regisseur en medevervaardiger van laasgenoemde prent. Sy twee broers, Dave en Tom, is ook bekende akteurs.
| James Franco | |
| |
Franco in 2013.
| |
| Geboortenaam | James Edward Franco |
|---|---|
| Geboorte | 19 April 1978 Palo Alto, Kalifornië, VSA |
| Nasionaliteit | Amerikaans |
| Beroep(e) | Akteur, rolprentmaker |
| Aktiewe jare | 1997–tans |
| Internet-rolprentdatabasis-profiel | |
Ander werk
wysig
Franco is ook bekend vir sy werk op televisie. Sy eerste betaalde rol was vir ’n advertensie vir Pizza Hut, met ’n dansende Elvis Presley (wat 20 vroeër oorlede is),[1] en sy eerste groot rol die karakter Daniel Desario in die komediedrama Freaks and Geeks (1999–2000), wat ’n kultusaanhang gehad het. Hy het ook die titelkarakter vertolk in die TV-biografieprent James Dean (2001), waarvoor hy ook ’n Golden Globe gewen het.
Hy het ’n rol in die sepie General Hospital (2009–2012) gehad en speel in die TV-drama The Deuce (2017–tans).
Franco doen vrywilligerwerk vir die Art of Elysium-welsynorganisasie en het ook klas gegee aan die Universiteite van New York en Suid-Kalifornië, Studio 4 en die Hoërskool Palo Alto in Kalifornië.[2][3][4][5][6]
In 2007 het Franco die prent Good Time Max geskryf en geregisseer en daarin gespeel. In Januarie 2011 is aangekondig die akteur gaan nie net speel in The Night Stalker, ’n rolprentweergawe van Philip Carlo se boek oor die reeksmoordenaar van die 1980's Richard Ramirez nie, maar gaan ook die regisseur wees.[7] Hy het ook ’n rolprentweergawe van William Faulkner se roman As I Lay Dying geregisseer;[8] dit is in 2013 in die afdeling "Un Certain Regard" van die Cannes-rolprentfees vertoon.[9]
In Februarie 2012 het Franco begin skiet aan ’n rolprentweergawe van Cormac McCarthy se 1973-boek Child of God; dit is gekies vir die 70ste Venesiese Rolprentfees, 2013 se Toronto- Internasionale Rolprentfees en die prestigeryke 51ste New Yorkse Rolprentfees. Ander projekte wat hy vervaardig het, sluit in die prent King Cobra, die dokumentêr Saturday Night en die multimediaprojek Three's Company The Drama.
Pryse en benoemings
wysigJames Franco het al 33 pryse gewen en is 112 keer benoem. Van die belangrikstes is:
| Jaar | Prys | Kategorie | Rolprent | Uitslag |
|---|---|---|---|---|
| 2018 | Golden Globe | Beste akteur in ’n komedie of musiekspel | The Disaster Artist | Gewen |
| Screen Actors Guild Award | Uitmuntende spel in ’n hoofrol | In afwagting | ||
| 2011 | Oscar | Beste akteur | 127 Hours | Benoem |
| Bafta | Beste akteur in ’n hoofrol | Benoem | ||
| Golden Globe | Beste akteur in ’n drama | Benoem | ||
| Screen Actors Guild Award | Uitmuntende spel in ’n hoofrol | Benoem | ||
| 2009 | Golden Globe | Beste akteur in ’n komedie of musiekspel | Pineapple Express | Benoem |
| Screen Actors Guild Award | Uitmuntende spel deur ’n span in ’n rolprent | Milk | Benoem | |
| 2002 | Golden Globe | Beste akteur in ’n minireeks of TV-prent | James Dean | Gewen |
| Screen Actors Guild Award | Uitmuntende spel in ’n minireeks of TV-prent | Benoem |
Verwysings
wysig- ↑ Buchanan, Kyle (5 Mei 2011). "James Franco Is Not Above Working at McDonald's" (in Engels). Vulture. Geargiveer vanaf die oorspronklike op 9 Oktober 2019. Besoek op 27 Maart 2013.
- ↑ Rathe, Adam (4 Augustus 2011). "James Franco, NYU professor, reveals details of his class; Students will transfer poetry to film". New York Daily News. New York City. Geargiveer vanaf die oorspronklike op 19 Maart 2020. Besoek op 4 Augustus 2011.
- ↑ Amy Kaufman (9 Oktober 2012). "James Franco to teach film class at USC". Los Angeles Times. Besoek op 27 Februarie 2013.
- ↑ Kwok, Adrienne; Maese-Czeropski, Aidan (7 September 2015). "James Franco to teach film course in MAC" (in Engels). The Paly Voice. Geargiveer vanaf die oorspronklike op 8 Augustus 2018. Besoek op 29 September 2015.
- ↑ Kadvany, Elena (13 September 2015). "Franco beings 'revolutionary' film class with local high schoolers" (in Engels). Palo Alto Online. Geargiveer vanaf die oorspronklike op 17 Junie 2019. Besoek op 29 September 2015.
- ↑ Alter, Charlotte. "James Franco Just Announced His New Class in the Most James Franco Way Possible". TIME.com (in Engels). Geargiveer vanaf die oorspronklike op 4 Desember 2016. Besoek op 8 Januarie 2017.
- ↑ Zakarin, Jordan (16 Januarie 2011). "James Franco: 'The Night Stalker' Star And Director". Huffington Post. Besoek op 6 Maart 2011.
- ↑ Friedman, Devin. "Leading Man: James Franco" GQ Desember 2010: 286–88
- ↑ "2013 Official Selection". Cannes. 20 April 2013. Geargiveer vanaf die oorspronklike op 11 Februarie 2017. Besoek op 20 April 2013.
Eksterne skakels
wysig- James Franco in die Internet-rolprentdatabasis
Wikimedia Commons het meer media in die kategorie James Franco.
Hierdie artikel is vertaal uit die Engelse Wikipedia
