James Levine
James Lawrence Levine (* 23 Junie 1943 – 9 Maart 2021) was 'n Amerikaanse dirigent en pianis. Hy is veral bekend as gewese musikale direkteur van die Metropolitan Opera (the "Met"). Hy het veertig jaar lank die pos beklee (1976–2016). Sy pos by, en alle verbindinge met, die Metropolitan Opera, is formeel beëindig op 12 Maart 2018 as gevolg van beweringe van seksuele wangedrag, wat Levine ontken.[1]
James Levine | |
|---|---|
 | |
| Gebore | James Lawrence Levine 23 Junie 1943 Cincinnati, Ohio, VSA |
| Sterf | 9 Maart 2021 (op 77) |
| Beroep | Dirigent, pianis |
| Bekend vir | Musiekdirekteur van die Metropolitan Opera (1976–2016) |
Levine het talle opnames, sowel as televisie- en radioprogramme, met die Met gemaak. Levine het ook leiersposisies by die Ravinia-fees, die München Filharmoniese Orkes en die Boston Simfonieorkes gehou. In 1980 het hy die Lindemann Young Artists Development Program gestig en het dikwels belowende sangers, dirigente en musikante vir professionele loopbane opgelei.
Nadat hy 'n gesondheidsverwante pouse van byna twee jaar (2011 tot 2013) geneem het, het Levine as die Met se voltydse musiekdirekteur na die 2015/16-seisoen afgetree as Musiekdirekteur Emeritus.
Op 2 Desember 2017 het The New York Times 'n voorbladartikel gepubliseer waarin gedetailleerde beweringe van seksuele mishandeling deur vier mans in hul 40's tot 60's teen Levine gemaak is. Die volgende dag het die Met Levine geskors en sy toekomstige geskeduleerde verskynings gekanselleer.[2] Die Ravinia-fees het ook al hul bande met Levine beëindig, so ook die Boston Simfonieorkes (BSO), wat aangekondig het dat Levine nooit weer in diens geneem sal word of gekontrakteer sal word deur die BSO nie. Na 'n ondersoek wat in Maart 2018 beëindig is het die Met, nadat geloofwaardige bewyse gevind is, hul kontrak met Levine beëindig oor "seksuele misbruik en teisterende gedrag".[1]
Verwysings
wysig- ↑ 1,0 1,1 Tilden, Imogen (13 Maart 2018). "Conductor James Levine fired by New York's Metropolitan Opera". The Guardian (in Engels). London. Geargiveer vanaf die oorspronklike op 28 April 2020. Besoek op 13 Maart 2018.
- ↑ Cooper, Michael (3 Desember 2017). "Met Opera Suspends James Levine After New Sexual Abuse Accusations". New York Times (in Engels). New York. Geargiveer vanaf die oorspronklike op 16 Mei 2020. Besoek op 10 Oktober 2018.
Eksterne skakels
wysig| Kulturele poste | ||
|---|---|---|
| Voorafgegaan deur Rafael Kubelík |
Musikale direkteur, Metropolitan Opera 1976–2016 |
Opgevolg deur Yannick Nézet-Séguin |