Jan Pierewiet

"Jan Pierewiet" is ’n Afrikaanse volksliedjie. Daar is ’n tradisionele weergawe en een met drie verse deur C.J. Langenhoven.

"Jan Pierewiet"
Genre	Afrikaanse volksmusiek
Woorde	Tradisioneel, C.J. Langenhoven
Melodie	Volkswysie
Verwerking	H. Pieter van der Westhuizen, 1978
Portaal    Musiek

Liriek

Tradisioneel

Jan Pierewiet, Jan Pierewiet, Jan Pierewiet, staan stil;
Jan Pierewiet, Jan Pierewiet, Jan Pierewiet, staan stil.
Goeie môre my vrou, hier's 'n soentjie vir jou.
Goeie môre my man, daar is koffie in die kan.

Langenhoven-weergawe

Jan Pierewiet, Jan Pierewiet, Jan Pierewiet, staan stil;
Jan Pierewiet, Jan Pierewiet, Jan Pierewiet, draai om.
Hy draai om en hy leen van sy ouma 'n bril,
en hy soek met die bril na 'n vroutjie vir hom.

"Tant Hettie", sê Pierewiet, "gee Lettie vir my,
of Bettie of Nettie, wie ek kan kry.
En al is ek ook arm, en so lelik daarby,
gee vir my tog 'n skapie dan troos dit vir my."

"Jan Pierewiet", sê Hettie, "Jan Pierewiet, loop slaap.
En droom jy't 'n skapie gesoek by 'n skaap.
En tog darem 'n apie gekry by 'n aap
– maar die apie se ma het gesien jy's 'n swaap."