Jeremias
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Jeremias (afgelei van Hebreeus יִרְמְיָהוּ Yirməyāhū, Jirmejahu) is 'n manlike voornaam wat ook as familienaam voorkom.
Herkoms, betekenis en gewildheid
wysigJeremias is die Grieks-Latynse skryfwyse van die Hebreeuse Jeremia - dit is onder meer die naam van een van die vier groot Joodse profete van die Ou Testament in die tyd van koning Jona. Sy redevoerings en profesieë is in die boek Jeremia versamel.
Die naam beteken oorspronklik "die een wat deur God (Hebreeus: -jah) verhef is". Tans kom hierdie naam in baie lande met 'n Joods-Christelike tradisie sowel as voornaam asook as familienaam voor. In Afrikaans is Jeremias en Jeremia as voorname gebruiklik.
Die Engelse volkstaal-variant van die naam, Jeremy, kom sedert die 13de eeu voor, maar eers met die Protestantse Reformasie in die 17de eeu het Jeremiah - saam met ander Bybelse name - veral danksy die invloed van Engelse Puriteine as voornaam gewild geraak en sedert die 20ste eeu weer herleef. Die naam kom daarnaas ook dikwels in Ierland voor - volgens plaaslike legendes het die profeet Jeremia 'n besoek aan die eiland afgelê.
In Nederland het Jeremia in die laat 16de eeu in gebruik gekom. Tans kom dit veral in die provinsie Zeeland voor, maar het - onder invloed van onder meer die Puriteine - ook 'n gewilde voornaam by Nederlandse immigrante in die Verenigde State geword.[1]
In die VSA word Jeremy en Jeremiah steeds onder die 200 gewildste name vir seuns gereken.[2][3] Die eersgenoemde variant het in 1977 'n hoogtepunt in gewildheid bereik toe 1,265% van alle babaseuns die naam Jeremy gekry het. In 2009 was dit nog 139ste op die ranglys van gewildste name (0,139%), terwyl Jeremiah twee keer so gewild was.[4] Die gewildheid van Jeremy as seunsnaam is in die VSA moontlik deur die karakter Jeremy Bolt in die western-televisiereeks Here Come the Brides aangewakker wat tussen 25 September 1968 en 3 April 1970 deur die netwerk ABC uitgesaai is.[5]
Variante
wysig| AFRIKAANS | ENGELS | DUITS | SWEEDS NOORS DEENS |
FRANS | IERS | ITALIAANS | RUSSIES | POOLS | FINS | HONGAARS |
|---|---|---|---|---|---|---|---|---|---|---|
| Jeremias Jeremia |
Jeremy Jerry Jeremiah Jeramie Jeremie |
Jeremias | Jeremias | Jérémie Jérémy |
Dermot Diarmaid |
Geremia | Еремей | Jeremi Jeremiasz |
Jere Jorma Jarno Jarkko |
Ember |
Naamdag
wysigVerwysings
wysig- ↑ Dr. J. van der Schaar: Woordenboek van voornamen. Utrecht/Antwerpen: Uitgeverij Het Spectrum 1964. Dertiende druk 1983, bl. 225
- ↑ Think Baby Names: Jeremy - name meaning, origin
- ↑ Think Baby Names: Jeremiah - name meaning, origin
- ↑ www.babynamespedia.com: Jeremy - meaning of the name
- ↑ babynology.com: Jeremy - Name and Meaning