Jerez-renbaan
Die Jerez-renbaan (amptelik Circuito de Jerez) is 'n motorsportrenbaan wat in Jerez de la Frontera, Andalusië, in die suide van Spanje geleë is.
 | |
| Ligging | Jerez de la Frontera, Andalusië, Spanje |
|---|---|
| Tydsone | UTC+01:00 |
| Koördinate | 36°42′30″N 6°2′3″W / 36.70833°N 6.03417°W |
| Kapasiteit | 125,000 |
| 1e Sooispit | 1984 |
| Geopen | 1985 |
| Groot byeenkomste | FIA Formule Een Spaanse Grand Prix Europese Grand Prix Spaanse Motorfiets Grand Prix |
| Lengte | 4.428 km (2.751 mi) |
| Draaie | 13 |
| Rondterekord | 1:23.135 ( Heinz-Harald Frentzen, Williams, 1997) |
Geskiedenis
wysigCircuito de Jerez, voorheen bekend as Circuito Permanente de Jerez, is 'n 4,428 km (2,752 myl)-lange renbaan naby aan die stad van Jerez de la Frontera, diep in die sjerrie-produserende suide van Spanje. Die projek is bestuur deur die Spaanse ingenieur Manuel Medina Lara, gebaseer op 'n voorlopige idee van Alessandro Rocci.
Die baan is op 8 Desember 1985 geopen. In Maart 1986 was die baan die gasheer vir die eerste internasionale motorfietsbyeenkoms in Spanje en die Formule Een Spaanse Grand Prix in April. Die relatief afgeleë ligging van die baan het beduidende toeskoueropkoms verhinder, alhoewel dit tot 125 000 toeskouers kan akkommodeer. As gevolg hiervan is die F1 na Barcelona verskuif na die wedren in 1991.
Voordat die Europese Grand Prix in 1994 by die baan aangebied is, is veiligheidsveranderinge aangebring, insluitend 'n nuwe oorkruising (die Senna kurwe) op die hoek waar Martin Donnelly 'n verskriklike ongeluk gehad het tydens kwalifisering vir die 1990 Spaanse Grand Prix. Jerez was ook die gasheer vir die Europese Grand Prix van 1997, die beslissende rondte van die kampioenskap tussen Michael Schumacher en Jacques Villeneuve, wat heelaas teen mekaar gebots het tydens die wedren.
Voorval
wysigTydens die podiumvieringe ná die F1-wedren van 1997, het die burgemeester van Jerez, Pedro Pacheco, die podiumverrigtinge ontwrig met die oorhandiging van 'n trofee wat veronderstel was om deur 'n hooggeplaaste persoon van Daimler-Benz oorhandig te word. Dié voorval het daartoe gelei dat die baan tydelik verbied is om weer 'n Grand Prix aan te bied.[1] Daar was sedertdien nooit weer 'n Grand Prix daar nie, maar dit bly een van die gewildste plekke vir wintertoetse.
Gedurende 2005 is die baan oorgeteer. Daar is verwag dat die Champ Car World Series daar sou plaasvind in 2008,[2] maar die reeks is vroeg in die jaar gekanselleer na sy samesmelting met die IndyCar-reeks. Die baan word tans gebruik vir Formule Een-voorseisoentoetse, gedeel met die Barcelona-Catalunya-renbaan. Daar is op 2 Mei 2013 aangekondig dat die laaste draai vernoem sou word na die Spaanse MotoGP-wêreldkampioen, Jorge Lorenzo.[3]
Verwysings
wysig- ↑ "Chaves y Pacheco irrumpieron en el podio" (in Spaans). Diario El País. 13 Desember 1997. Besoek op 2 Julie 2008.
{{cite news}}: AS1-onderhoud: onerkende taal (link) - ↑ "CHAMP CAR: 2008 Schedules Confirmed" (in Engels). speedtv.com. 11 April 2007. Geargiveer vanaf die oorspronklike op 7 Februarie 2012. Besoek op 4 Februarie 2010.
- ↑ "MotoGP Twitter" (in Engels). 5 Februarie 2013. Geargiveer vanaf die oorspronklike op 8 April 2016. Besoek op 5 Februarie 2013.