Jessye Mae Norman

Jessye Mae Norman (15 September 1945 – 30 September 2019) was 'n Amerikaanse sopraan. Sy is in Augusta, Georgia, gebore. Haar vader, Silas, was 'n versekeringsmakelaar en haar moeder, Janie, 'n amateurpianis. Ná skool het sy musiek aan die Howard-Universiteit asook die Universiteit van Michigan gestudeer. Haar loopbaan het begin toe sy in 1968 die internasionale operakompetisie in München gewen het. Sy het tydens die Olimpiese Somerspele 1996 se openingseremonie in Atlanta opgetree.

Jessye Mae Norman
Jessye Mae Norman in 2014
Gebore	(1945-09-15)15 September 1945 Augusta, Georgia
Sterf	30 September 2019 (op 74) Manhattan, New York
Nasionaliteit	Verenigde State
Beroep	Sopraan
Ouer(s)	Silas Norman en Janie King-Norman

Norman is in New York oorlede. Sy word oorleef deur haar broer James Norman en suster Elaine Sturkey.

Bron

• Haar groot, ryk stem was soos 'n Cadillac V8, Rapport 6 Oktober 2019

Eksterne skakels

• Wikimedia Commons het meer media in die kategorie Jessye Mae Norman.