Johan Fourie
Johan Fourie (gebore 2 Desember 1959 in Springs) is 'n Suid-Afrikaanse middelafstand-atleet wat in die 1980's een van die wêreld se voorste 1500m / myl-atlete was, maar is verhinder om tydens sy piek internasionaal te kompeteer weens die sportsanksies wat teen Suid-Afrika opgelê is in veroordeling van die apartheidsbeleid.
Fourie se beste 1500m-vertoning was 3:33.87, 'n tyd wat in 1987 by die SA Kampioenskappe in Stellenbosch aangeteken is, sonder beduidende teenstand of pas-aangeërs. Sy beste myl-tyd was 3:50,82, aangeteken in 1987. In die middel van die 1980's het hy saam met die Switserse ster Pierre Delèze in Europa geoefen. Délèze, wat Sebastian Coe in 1985 oor 1500m in Zurich verslaan het, glo dat Fourie in staat was om 'n sub 3:30 1500m te wen onder die toepaslike wedloopstoestande. [1]
Hy het in Vereeniging in die Gauteng grootgeword, waar hy skoolgegaan het, en het in 1979 sy eerste nasionale 1500m gewen het terwyl hy nog 'n junior was.
Alhoewel hy verhoed is om internasionaal te kompeteer, het hy nog steeds die skares in die 1980s vermaak tydens 'n era wat bestempel is as die goue era van Suid-Afrikaanse middel- en langafstand atletiek.
Bo en behalwe die meer as 50 sub-vierminuut myle wat hy gehardloop het, het hy ook twee sub-vierminuut myle binne 1 uur gehardloop. In 1984 is die Beinart-toekenning deur die Suid-Afrikaanse Atletiek Statistici aan hom toegeken as die beste Suid-Afrikaanse atleet ter wêreld in 1983. [2]
Persoonlike Lewe
wysigJohan het in 1989 met die 400m afstand Springbok-atleet Marinda Fourie getrou. Hulle het twee kinders, Rico Fourie en Shan Fourie. Johan en sy familie woon tans in Stellenbosch, Suid-Afrika. Hy en sy vrou rig 'n span bekend as die The Dogsquad af.