John Elkann

John Philip Jacob Elkann, dikwels kort Jaki genoem, (* 1 April 1976 in New York, Verenigde State) is 'n Italiaanse nyweraar en bestuurder. As gekose erfgenaam van sy grootvader Gianni Agnelli (1921−2003) het hy die voorsitter van die motorvervaardiger Fiat Chrysler Automobiles (FCA) geword wat die motorhandelsmerke Abarth, Alfa Romeo, Chrysler, Dodge, Jeep, Fiat, Fiat Professional, Lancia, Maserati, Mopar en Ram besit en beheer.

John Elkann
John Elkann in 2010
Gebore	John Philip Jacob Elkann 1 April 1976 (1976-04-01) New York, Verenigde State
Nasionaliteit	Italië  Verenigde State
Beroep	nyweraar en bestuurder
Eggenoot	Lavinia Borromeo
Kinders	3
Ouer(s)	Margherita Agnelli de Pahlen en Alain Elkann

John Elkann is die voorsitter en hoof uitvoerende beampte van Exor S.p.A., 'n houermaatskappy wat deur die Agnelli-familie beheer word. In Julie 2018 is Elkann ook as voorsitter van Ferrari benoem nadat Sergio Marchionne (1952−2018) weens gesondheidsprobleme bedank het. Hy besit dubbele burgerskap – Amerikaans en Italiaans.

Eksterne skakels

• Wikimedia Commons het meer media in die kategorie John Elkann.