John Jeffries
John Jeffries (5 Februarie 1744 – 16 September 1819) was 'n Amerikaanse geneesheer, wetenskaplike en militêre chirurg in die Britse leër in Nova Scotia en New York tydens die Amerikaanse Revolusie. Hy is veral bekend daarvoor dat hy die Franse uitvinder Jean-Pierre Blanchard op sy 1785-ballonvlug oor die Engelse Kanaal, vergesel het.
John Jeffries | |
|---|---|
 John Jeffries | |
| Gebore | 5 Februarie 1744 |
| Sterf | 16 September 1819 (op 75) Boston |
| Rusplek | Granary Burying Ground |
| Nasionaliteit | Amerikaans |
| Uitbeelding | Harvard-universiteit, universiteit van Aberdeen |
| Beroep | geneesheer, chirurg |
| Eggenoot | Sarah Jeffries (nee Rhoads) - 1770 tot 1780; Hannah Jeffries (nee Hunt) 1787 |
| Kinders | 2 |
Biografie wysig
Gebore in Boston, het Jeffries aan Harvard College in die klas van 1763 gegradueer en sy mediese graad aan die Universiteit van Aberdeen verwerf. Dr. Jeffries het 'n rol gespeel in die verhoor van die Boston-slagting, as 'n getuie vir die verdediging. Hy was die chirurg vir Patrick Carr, wat een van die Amerikaners was wat tydens daardie voorval geskiet is.
Tussen 1771 tot 1774 was Jeffries 'n chirurg aanboord van 'n eskader Britse skepe in die Boston-hawe en het die gewonde Britse soldate op 17 Junie 1775 by die Slag van Bunker Hill gehelp.
Jeffries word beskou as een van Amerika se eerste weerwaarnemers. Hy het begin om daaglikse weermetings in 1774 in Boston te neem, asook om weerwaarnemings in 'n ballon oor Londen te neem in 1784.
National Weatherpersonsday word ter ere van hom gevier op 5 Februarie, sy verjaardag. Die Argief en Spesiale Versamelings by Amherst College hou 'n versameling van sy werke, insluitend 'n brief wat hy tydens sy historiese ballonvlug laat val het, wat as die oudste stuk lugpos beskou word.
Hy het in 1776 na Halifax, Nova Scotia gevlug en later na Engeland 1779, en was gedurende hierdie tyd in diens van die Britse Kroon.
Op 30 November 1784 het hy saam met die Franse uitvinder Jean-Pierre Blanchard 'n kort vlug in 'n waterstofgevulde ballon van Londen se Redarium Garden, wes van Grosvenor Square, na Ingress in Kent gemaak (die maksimum styging was 2837 meter).
Toe neem hy deel aan die beroemde vlug van Engeland na Frankryk saam met Blanchard, die wêreld se eerste vlug oor die Engelse Kanaal, wat 2½ uur geduur het. Die vlug het op 7 Januarie 1785 plaasgevind en het vanaf die Dover-kasteel na Guin plaasgevind.
Jeffries het van 1779 tot 1790 in Engeland gewoon. Ten spyte daarvan dat hy in die Massachusetts Banishment Act genoem is, het hy teruggekeer na sy privaatpraktyk in Boston en daar gebly tot sy dood in 1819.[1][2][3][4]
Verwysings wysig
- ↑ Channing 1820, p. 63
- ↑ Channing 1820, p. 70
- ↑ "The Summary of the Boston Massacre Trial". Boston Massacre Historical Society. Besoek op 28 Oktober 2012.
- ↑ "Doctor John Jeffries". CelebrateBoston.com. Besoek op 28 Oktober 2012.