John Mayer
John Clayton Mayer (Engelse uitspraak: [ˈmeɪ.ər],[1] * 16 Oktober 1977) is 'n Amerikaanse musikant. Hy is oorspronklik van Connecticut waar hy Berklee College of Music bygewoon het voordat hy in 1997 na Atlanta, Georgia verhuis het en waar hy sy vaardighede verfyn het en 'n aanhangersbasis begin opbou het. Sy eerste twee ateljeealbums, Room for Squares en Heavier Things, het kommersieel wel gevaar en multiplatinumstatus bereik. In 2003 het hy 'n Grammy-toekenning vir Best Male Pop Vocal Performance vir "Your Body Is a Wonderland" ontvang.
John Mayer | |
|---|---|
 John Mayer tydens 'n optrede by die Crossroads Guitar Festival (28 Julie 2007). | |
| Agtergrondinligting | |
| Geboortenaam | John Clayton Mayer |
| Gebore | 16 Oktober 1977 Bridgeport, Connecticut (VSA) |
| Genres | Poprock |
| Beroep(e) | Sanger, liedjieskrywer, musikant, rubriekskrywer |
| Instrumente | Kitaar, stem, mandolin, sintetiese klavier |
| Jare aktief | 1998 — hede |
| Etikette | Aware, Columbia, Sony BMG |
| Assosiasies | John Mayer Trio, LoFi Masters |
| Webwerf | www.johnmayer.com |
Mayer het sy loopbaan afgeskop deur hoofsaaklik akoestiese rockmusiek op te voer, maar het mettertyd 'n verskuiwing in die rigting van die blues-genre ondergaan en het in 2005 met bekende blues-kunstenaars soos B.B. King, Buddy Guy en Eric Clapton saamgewerk. Hy het ook die John Mayer Trio gevorm. Die blues-invloed word op die album Continuum (September 2006) duidelik. Op die 49ste Jaarlikse Grammy-toekenningsfunksie in 2007 het Mayer toekennings vir Best Pop Vocal Album (vir Continuum) en Best Male Pop Vocal Performance (vir "Waiting on the World to Change") ontvang.
Mayer se loopbaanvooruitsigte brei ook uit na onvoorbereide komedie, ontwerp, en skryf; hy het al dele vir tydskrifte geskryf, mees noemenswaardig vir die Esquire-tydskrif. Hy is ook by filantropiese aktiwiteite betrokke deur sy Back to You-fonds en sy bemoeidheid met aardverwarming.
Verwysings
wysig- ↑ Sien inogolo: uitspraak van John Mayer (en)
Eksterne skakels
wysig| Wikimedia Commons bevat media in verband met John Mayer. |
- Amptelike webwerf (en)
- Amptelike webjoernaal op Honeyee.com Geargiveer 8 Julie 2007 op Wayback Machine (en)
- Amptelike fotowebjoernaal op StunningNikon.com (en)
- MySpace-profiel (en)
- John Mayer op Twitter (en)
