Jonathan Larson

Jonathan Larson (4 Februarie 1960 – 25 Januarie 1996) was 'n Amerikaanse komponis.

Jonathan Larson
Gebore	4 Februarie 1960 White Plains, New York
Sterf	25 Januarie 1996 (op 35) New York
Nasionaliteit	Verenigde State
Beroep	komponis van musiekblyspel RENT

Biografie

Larson is in White Plains, New York, gebore. Hy het van kleins af in musiek belang gestel en het dit ook op hoërskool gespeel. As student het hy eers vir klein produksies begin komponeer.

Larson het later toneelstukke begin skryf. Sy eerste musiekblyspel was Sacraimmorality. Gedurende die 1980's is dit opgevoer onder die naam Saved on 42nd Street.

Tussen 1983 en 1990 het Larson Superbia geskryf, 'n futuristiese rockmusiekblyspel. Hierdie rock-musiekblyspel was gegrond op 'n vroeëre poging van Larson om 'n musiekblyspel van George Orwell se Nineteen Eighty-Four te maak, maar Larson het nie die nodige regte hiervoor verkry nie. Superbia is nog nooit as 'n musiekblyspel opgevoer nie.

Larson se volgende projek was 'n rockmonoloog; Boho Daya. Die titel het later verander na 30/90 en staan nou bekend as Tick, Tick... BOOM!. Hierdie stuk was in reaksie op die weiering van die industrie om sy stuk Superbia te laat opvoer. Die vertoning is op buite-Broadway vertoon. Hierdeur het hy vir Stephen Sondheim, ‘n bekende komponis ontmoet, wat hom by baie vervaardigers sou aanbeveel.

Die skrywer Billy Aronson het in 1988 'n moderne weergawe van La Bohème geskryf. Vanaf 1989 het Larson saam met hom begin werk. In 1991 het hy gevra of hy die projek heeltemal kan oorneem, want hy wou ook ervaring uit sy lewe daarin sit.

Die musiekblyspel, RENT, het in 1996 begin en 'n groot sukses geword. Larson kon nie die sukses van die musiekblyspel beleef nie, aangesien hy op 25 Januarie 1996 dood is aan 'n aorta disseksie, veroorsaak deur Marfan se sindroom.

Eksterne skakels

• Wikimedia Commons het meer media in die kategorie Jonathan Larson.