Jovianus (Grieks: Ἰοβιανός; 331 - 17 Februarie 364) was van Junie 363 tot Februarie 364 keiser van die Romeinse Ryk. Hy was lid van die keiserlike wag en het keiser Julianus vergesel op sy veldtog teen die Sassanidiese Ryk. Ná Julianus se dood tydens die veldtog is Jovianus deur die soldate tot keiser verklaar. Met die leër én voorraad wat uitgeput was en omdat hy nie in staat was om die Tigrisrivier oor te steek nie, het hy op vernederende terme vrede met Persië gesluit. Ná sy aankoms in Edessa het Jovianus ’n petisie van biskoppe ontvang oor die Christelike geloof, en teen September 363 het hy dit weer die staatsgeloof gemaak.

Jovianus
Keiser van die Romeinse Ryk
’n Portret van Jovianus op ’n muntstuk.
’n Portret van Jovianus op ’n muntstuk.
Bewind 27 Junie 363 - 17 Februarie 364
Volle naam Flavius Jovianus Augustus
Gebore 331
Singidunum (Belgrado, Serwië)
Oorlede 17 Februarie 364 (op 33)
Dadastana (in Anatolië)
Volle naam Flavius Claudius Julianus
Voorganger Julianus
Opvolger Valentinianus I
Vrou Charito
Vader Varronianus
Godsdiens Christelike geloof

Teen Desember 363 het Jovianus by Ancyra sy babaseun, Varronianus, konsul gemaak.[1] Terwyl hy van daar op pad terug was na Konstantinopel, is Jovianus op 17 Februarie 364 by Dadastana, halfpad tussen Ancyra en Nicea, dood in sy tent aangetref.[2] Sy dood, wat nooit ondersoek is nie,[3] was moontlik as gevolg van giftige gasse van die nuut geverfde slaapkamermure.[4][3][1][5] Jovianus was 33 toe hy dood is. Hy is opgevolg deur twee broers, Valentinianus I en Valens, wat die ryk tussen hulle verdeel het.[6]

Valentinianus en Valens het enige bedreigings vir hulle amp uit die weg geruim.[7] Jovianus se seun, Varronianus, is verblind om te verseker hy sou nooit op die troon sit nie.[7]

VerwysingsWysig

  1. 1,0 1,1 Lenski 2002, p. 19.
  2. Lenski 2002, p. 19–20.
  3. 3,0 3,1 Curran 1998, p. 80.
  4. Treadgold 1997, p. 62.
  5. Baynes 1967, p. 86.
  6. Vasiliev 1980, p. 78.
  7. 7,0 7,1 Lenski 2002, p. 20.

BronneWysig

  • Baynes, Norman H. (1967). "Constantine's Successors to Jovian: And the Struggle with Persia". In Gwatkin, H.M.; Whitney, J.P. (reds.). The Cambridge Medieval History. I. Cambridge at the University Press. p. 55-86. ISBN 9781463690311.AS1-onderhoud: ref=harv (link)
  • Curran, John (1998). "From Jovian to Theodosius". In Cameron, Averil; Garnsey, Peter (reds.). The Cambridge Ancient History: The Late Empire, A.D. 337-425. XIII (2de uitg.). Cambridge University Press. p. 78-110. ISBN 978-0521302005.AS1-onderhoud: ref=harv (link)
  • Lenski, Noel (2002). Failure of Empire: Valens and the Roman State in the Fourth Century A.D. University of California Press. ISBN 978-0520-23332-4.AS1-onderhoud: ref=harv (link)
  • Treadgold, Warren (1997). A History of the Byzantine State and Society. Stanford University Press. ISBN 9780804726306.AS1-onderhoud: ref=harv (link)
  • Vasiliev, A. A. (1948). “Imperial Porphyry Sarcophagi in Constantinople”. Dumbarton Oaks Papers 4: 3-26. doi:10.2307/1291047.

SkakelsWysig