Jugene

JUGENE (Jülich Blue Gene) was 'n superrekenaar van die tipe BlueGene/P in die Navorsingsentrum Jülich (Duitsland) en die opvolger van die JUBL, wat ook daar bedryf was. Die rekenaar behoort aan die Instituut "Jülich Supercomputing Centre" (JSC) en aan die virtuele Gauss Centre for Supercomputing.

'n Gedrukte stroombaanbord uit JUGENE met 'n sentrale verwerkingseenheid van die "BlueGene/P"

In hierdie superrekenaar werk 65 536 verwerkers teen 'n frekwensie van 850 MHz. Die tipe verwerkers gebruik is die Power PC 450 wat in 16 kabinette gehuisves is en die rekenaar 'n topkapasiteit van 222,8 TFLOPS (R_peak) laat lewer. Met 'n amptelike Linpack-kapasiteit van 167,3 TFLOPS (R_max) het JUGENE as die vinnigste siviele rekenaar tweede plek in die TOP500-lys van November 2007 behaal.

Hierdie rekenaar is gefinansieer deur die navorsingsentrum, die provinsie Noordryn-Wesfale (Nordrhein-Westfalen), en die Bondsministerie vir Navorsing en Onderwys as ook die Helmholtz-Gesellskap (Helmholtz-Gesellschaft). 'n BlueGene/P-Systeem lewer volgens die vervaardiger omtrent 0,35 GFLOP/Watt en is daarmee amper dubbeld so effektief as sy voorganger wat op dieselfde plek gebruik is.

Konsep

Die idee van hierdie rekenaar is juis om met 'n stadiger spoed (850 Mhz) met meer verwerkers (65 536) tog vinnige verwerkings te verkry en elektrisiteit te bespaar. Die effektiwiteit was die eerste prioriteit.