Jurie Ferreira
Jurie Ferreira (1921 - 2002) was ’n Afrikaanse sanger.[1] Van sy bekendste treffers is: Die swaeltjie, Die blonde matroos, Tahiti, Boereseun en Erika. Hy het ook sy verskyning in rolprente soos Kom saam, vanaand, Hier’s ons weer, Alles sal regkom en Altyd in my drome gemaak.
Jurie Ferreira | |
|---|---|
| Geboortenaam | Johannes Jurgens Ferreira |
| Gebore | 3 Maart 1921 Ventersdorp, Suid-Afrika |
| Sterf | 24 Junie 2002 Pretoria |
| Beroep(e) | Sanger |
Ferreira is 1921 in Ventersdorp in die Noordwes gebore. In 1936 bring sy pa hom as 15-jarige na Johannesburg vir ’n sangopname. Sy eerste kommersiële plaat, Tier, word 1939 opgeneem. In 1941 sluit hy by die orkes van Arnout Malherbe aan. Hendrik Susan bied hom in 1945 ’n kontrak aan en hulle toer vir sewe jaar saam deur die land. In 1954 begin hy sy eie orkes en in 1965 sluit hy by die leër aan.
Hy is op die ouderdom van 82 in 1 Militêre Hospitaal in Thaba Tshwane na ’n lang siekbed oorlede. Hy laat sy vrou, Sue, twee seuns en drie stiefseuns agter.[2]
Verwysings wysig
- ↑ Jurie Ferreira sterf in Pta, Beeld, 24 Junie 2002
- ↑ JURIE FERREIRA, pioniersanger van treffers, Die Burger, 29 Junie 2002
