Decimus Iunius Iuvenalis (in Afrikaans bekend as Juvenalis) was ’n Romeinse digter wat in die laat 1ste eeu en vroeë 2de eeu n.C. aktief was. Hy was onder meer die skrywer van Satires. Die besonderhede oor sy lewe is onseker, maar verwysings na bekende mense in sy tekste dui daarop dat sy eerste gedigte tussen die laat 1ste eeu en vroeë 2de eeu gepubliseer is.

Juvenalis
’n Beeld van die betrokke persoonlikheid.
Titelprent van John Dryden se The Satires of Juvenalis.

Naam Decimus Iunius Iuvenalis
Geboorte 1ste eeu n.C.
Aquinum (nou Aquino in Italië)
Sterfte 2de eeu n.C.
Beroep Digter
Genre(s) Romeinse satire
Bekendste werke Satires

Juvenalis het minstens 16 gedigte geskryf wat ’n ensiklopediese verskeidenheid onderwerpe van oor die hele Romeinse Ryk insluit. Hoewel die Satires ’n belangrike bron vir die bestudering van antieke Rome is, maak die oordrywende en komiese manier waarop hulle geskryf is dit moeilik om aanhalings daaruit as feite te gebruik.