KV64
KV64 in die Vallei van die Konings by Thebe, naby die moderne stad Luxor in Egipte, was die grafkelder van 'n onbekende mens wat tydens die 22ste Dinastie deur priesteres Nehmes Bastet herbruik is. Sy was die voorsanger van die Tempel van Karnak. Die grafkelder is geleë op pad na KV34 (die grafkelder van Toetmoses III) in die hoofvallei. KV64 is in 2011 ondek en in 2012 uitgegrawe deur Susanne Bickel en Elina Paulin-Grothe van die Universiteit van Basel.[1][2]
| KV64 | ||
| Die grafkelder van 'n onbekende; Nehmes Bastet | ||
| ||
| Die kis en stele van priesteres Nehmes Bastet in KV64. | ||
| Ligging | Vallei van die Konings | |
| Land |  Egipte
| |
| Ontdek | 25 Januarie 2011 | |
| Uitgrawings deur | Universiteit van Basel (2012-'13) | |
← Vorige KV63 Volgende →
KV65 | ||
Ontdekking en uitleg
wysigOp 25 Januarie 2011, gedurende werk deur die Universiteit van Basel aan KV40, is die kante van 'n skag in die rots noord daarvan ontbloot.[3][4] Eers is gedink dis 'n onvoltooide skag en dit het die voorlopige naam "KV40b" gekry. Vroeg in Januarie 2012 is uitgrawings hervat en dit het gou duidelik geword die vonds is 'n grafkelder. Dit is op 15 Januarie 2012 amptelik aangekondig en het die naam KV64 gekry.[4]
Die grafkelder het bestaan uit 'n skag van sowat 3,5 meter diep wat tot 'n enkele kamer lei. Die kamer was toe onder puin van sowat 'n meter diep. In die kamer was die ongeskonde mummie van die hoofsangeres Nehmes Bastet van die 22ste dinastie. Haar geverfde begrafnisstele van hout is aan die voetenend van die kis teen die muur staangemaak. In die puin was die oorblyfsels van die geroofte aanvanklike begrafnis uit die 18de Dinastie, wat verteenwoordig is deur stukke begrafnisflesse, fragmente van kiste, glas, leer en die gebroke, oopgedraaide mummie van waarskynlik die oorspronklike eienaar.[4][5]
'n Stuk hout met die naam van "prinses Satiah" is ook gevind. Dit is nie bekend of sy die oorspronklike eienaar van die grafkelder was nie.[6]
Verwysings
wysig- ↑ Bickel, Susanne; Paulin-Grothe, Elina (2012). "The Valley of the Kings: two burials in KV 64". Egyptian Archaeology (in Engels). 41: 36–40. Besoek op 17 Februarie 2021.
- ↑ "New archaeological discovery at the Valley of the Kings – Ancient Egypt – Heritage – Ahram Online". english.ahram.org.eg (in Engels). Besoek op 26 Februarie 2018.
- ↑ Bickel, Suzanne; Paulin-Grothe, Elina; Alsheimer, Tanja (2011). "Preliminary Report on the Work Carried out During the Season 2011" (PDF). University of Basel Kings' Valley Project: 2. Geargiveer vanaf die oorspronklike (PDF) op 28 November 2021.
- ↑ 4,0 4,1 4,2 Bickel, Suzanne; Paulin-Grothe, Elina (2012). "Preliminary Report on the Work Carried out During the Season 2012" (PDF). University of Basel Kings' Valley Project: 1. Geargiveer vanaf die oorspronklike (PDF) op 28 November 2021.
- ↑ Bickel, Suzanne; Paulin-Grothe, Elina (2013). "Preliminary Report on the Work carried out during the season 2013" (PDF). University of Basel Kings' Valley Project: 1. Geargiveer vanaf die oorspronklike (PDF) op 28 November 2021.
- ↑ Susanne Bickel, Princesses, Robbers, and Priests – The unknown side of the Kings' Valley, Presentation at a conference at the Museo Egizio in Turin, Italy, October 14 2017, Online; KV 64 is discussed at 27:30 onward
Skakels
wysig- "Rare tomb of woman found in Egypt Valley of Kings". The Guardian. Londen. 23 Januarie 2008. Geargiveer vanaf die oorspronklike op 18 Januarie 2012. Besoek op 15 Januarie 2012.
{{cite news}}: CS1 maint: unfit URL (link)
Wikimedia Commons het meer media in die kategorie KV64.
Hierdie artikel is in sy geheel of gedeeltelik uit die Engelse Wikipedia vertaal.
