Kaap Fréhel
Kaap Fréhel (Frans: Cap Fréhel) is 'n landtong aan die Côte d'Émeraude (Smaragkus) in Noordoos-Bretagne. Dit vorm die noordelikste punt van die rotsige voorgebergte tussen die stede Saint-Malo en Saint-Brieuc. Die kaap, wat sowat 8,5 kilometer van Fréhel se dorpsentrum af lê, is tot natuurbewaringsgebied verklaar en staan bekend vir sy rotswande en as die broedgebied van talle voëlspesies.
Die steil rotswande, wat 'n hoogte van tot by 70 meter bereik, bestaan uit rooi sandsteen, swart leisteen en rooskleurige graniet. Die grasvelde bo-oor die rotswande maak deel uit van 'n pragtige heideveld, wat oor 300 hektaar strek.
Aan die kaap is twee vuurtorings opgerig. Een van hulle dateer uit die 17de eeu is tydens die heerskappy van koning Lodewyk XIV deur die beroemde argitek Vauban opgerig. 'n Tweede, nuwe vuurtoring met 'n hoogte van is in 1950 bygevoeg en mag teen bepaalde tye beklim word. In die geval van gunstige weerstoestande bied die toring 'n pragtige uitsig tot by die Kanaaleilande.
| Wikimedia Commons bevat media in verband met Cap Fréhel. |