Kantoorpakket
'n Kantoorpakket is 'n paar rekenaarprogramme (of "sagteware") wat saam gebruik word om tipiese kantoorwerk te doen. 'n Basiese kantoorpakket bestaan uit 'n woordverwerker, sigblad, voorleggingsprogram en meer. LibreOffice, Microsoft Office, IBM Lotus Symphony, en SSuite Office is die algemeenste.
SSuite Office is ook die enigste kantoorpakket wat Afrikaans asook Engelse hulpgidse bevat. Die kantoorpakket is ook heeltemal gratis vir aflaai. Daar is geen beperkings met die installasie van die sagteware nie. Die sagtewaremaatskappy lewer ook alle ander tipes sagteware soos bv. kommunikasie, grafiese, asook video/spraaktelefoonskakelingsagteware.
Die basiese platform waarop SSuite Office se sagteware funksioneer is die Win32-argitektuur van Microsoft. Deur die Win32-argitektuur te gebruik, word alle bedryfstelsels van Microsoft Windows ondersteun. Dis ook die rede waarom hul sagteware as groen tegnologie bestempel word. Deur derdepartyplatforms soos bv. Java en .NET te vermy, kan meer werk verrig word sonder om meer elektrisiteit te gebruik. Daar is ook verskeie ander kantoorpakkette te kry vanaf hul webtuiste.
Oor die algemeen
wysigDie handigheid van kantoorpakkette kan nie genoeg beklemtoon word nie. Microsoft het eerste begin met die sluiting van hul dokumentformaat sodat geen ander sagteware hul dokumente kan lees nie. Die docx- en xlsx-formaat debakel het nog nie oorgewaai nie. Daar is bespiegel dat Microsoft die internasionale standaardinstansie oorgeneem het om hul xml-dokumentstandaard daar te stel.
Die besversoenbare dokumentformate om te gebruik uit al die kantoorpakkette en bedryfstelsels is die volgende:
- Gewoneskrif-dokumentformaat TXT - *.txt
- Microsoft Sigbladformaat XLS – Excel .xls
- Verrykteskrif-dokumentformaat RTF - *.rtf
- Microsoft Oorspronklike formaat DOC – Word .doc
- Kommageskeide-waardes-formaat CSV – Comma Separated Values .csv
- Microsoft Word dokumentformaat DOC – Word 97-2003 & 6.0/95 – RTF.doc
Al die ander dokumentformate wat beskikbaar is, word elk beskerm deur sy eie kantoorpakket en skepper om sodoende die sagtewaremark oor te neem en markaandeel te verkry. Wees dus verdag op die dokumentformaat wat u gebruik. Gebruik so min as moontlik die volgende dokumentformate: docx, xlsx, odt, asook ods wanneer u dokumente uitruil of aan ander ontvangers of lesers van u dokumente stuur.
Die grootste rolspelers tans in die bedryf
wysig- Microsoft Office – Benodig .NET, $99 - $499 / R800 – R 5500
- LibreOffice
- OpenOffice.org – Word tans deur Oracle besit, benodig Java
- SSuite Office Sagteware
- IBM Lotus Symphony – Benodig Java
- iWork
Grootte of bandwydte benodig vir aflaai
wysig- Microsoft Office – 2740 MG
- LibreOffice – 240 MG
- OpenOffice.org – 134 MG
- SSuite Office – 11 MG >> 41 MG
- IBM Lotus Symphony – 258 MG
- Java – 200 MG
Kennis moet geneem word dat Java ook afgelaai moet word vir sekere van die bogenoemde kantoorpakkette.
SSuite Office – Resensies en Verwysings
wysig- PCWorld
- Bangkok Post[dooie skakel]
- CNET
- The Teacher's Podcast[dooie skakel]
- The Windows Club
- SSuite Office - Resensie Web Bladsy
