Karaköy
Karaköy, die moderne naam van die antieke Galata, is ’n kommersiële buurt van die Beyoğlu-distrik in Istanboel, Turkye. Dit is in die noordelike, Europese deel aan die Goue Horing geleë.
Karaköy is een van die oudste distrikte van die stad en is vandag ’n kommersiële en vervoersentrum. Die Galata-brug verbind Karaköy met Eminönü in die suidweste, Tersane-straat met Azapkapı in die weste, Voyvoda-straat met Şişhane in die noordweste, die steil Yüksek Kaldırım-straat met Beyoğlu in die noorde, en Kemeraltı- en Necatibey-straat met Tophane in die noordooste.
