Karmelberg
Karmelberg[1] is 'n kusbergreeks in die noorde van Israel. Dit strek van die Middellandse See na die suidooste. Die bergreeks is 'n Unesco-biosfeerreservaat en Haifa, Israel se derde grootste stad, is geleë op die noordelike helling. Die Hebreeuse naam 'Karem El' beteken 'God se wingerd'. Die monnikeorde Karmeliete kry sy naam van die berg.
| Karmelberge | |
|---|---|
 Karmelberge
 Tipiese landskap
| |
| Hoogste punt | Rom Carmel (546 m) |
| Hebreeuse Naam | Karem El/Har Ha'Karmel (God se wingerd) |
| Arabiese Naam | Kurmul/Jabal Mar Elyas (Elia se berg) |
| Ligging | Distrik Haifa, Israel |
| Lengte | 39 km |
| Breedte | 8 km |
Geskiedenis
wysigDie Karmelberg is reeds tydens die vroegste tye van die mensheid bewoon. In die grotte van Kebara en Skhul is spore van Neanderdalmense en argaïese Homo Sapiens gevind wat ongeveer 130 000 jaar oud is d.w.s vroeë Steentydperk.[2] Die Kanaäniete het die god Baal daar vereer. Volgens die Ou Testament het Dawid die gebied omstreeks 1000 v. Chr. in sy ryk ingelyf.[3][4]
Die gebied het dikwels van heerser verander. Dit was deel van die Assiriese, Romeinse, Bisantynse en Ottomaanse ryke. Vanaf die kruistogte het Christene die gebied bewoon. Sedert 1948 is dit deel van Israel.
-
Karmelberg in 1894 -
Universiteit van Haifa op Karmelberg 1996 -
Tombe van Báb in die Baha’i-wêreldsentrum
Verwysings
wysig- ↑ Carmel, Mount. (2008). Encyclopædia Britannica. Deluxe Edition. Chicago: Encyclopædia Britannica.
- ↑ "Timeline in the Understanding of Neanderthals". Geargiveer vanaf die oorspronklike op 27 September 2007. Besoek op 13 Julie 2007.
- ↑ Jewish Encyclopedia, Books of Kings
- ↑ Jewish Encyclopedia, Book of Amos
Eksterne skakels
wysig| Wikimedia Commons bevat media in verband met Karmelberg. |
- (en) "Mount Carmel". Encyclopædia Britannica. Besoek op 24 Mei 2021.
| Hierdie artikel is in sy geheel of gedeeltelik vanuit die Duitse Wikipedia vertaal. |
