Karoi
Karoi is 'n dorp in die Lomagundi-gebied van die provinsie Masjonaland-Wes in die noordweste van Zimbabwe, 87 km noordwes van Chinhoyi, die hoofstad van die provinsie.
Karoi | |
|---|---|
  Karoi | |
| Koördinate: 16°49′07″S 29°41′08″O / 16.81861°S 29.68556°O | |
| Land |  Zimbabwe |
| Provinsie | Masjonaland-Wes |
| Hoogte | 1 283 m (4 209 ft) |
| Bevolking | |
| • Totaal | 24 921 |
| Tydsone | UTC+2 (SAT) |
Die dorp se beraamde bevolking in 2009 was 24 921, vergeleke met 5 380 volgens die 1969-sensus, waarvan 4 920 swart en 449 wit was.
Die gebied is tussen 1945 en 1950 ontwikkel ingevolge die destydse koloniale regering se skema vir vestiging op staatsgrond deur veterane van die Tweede Wêreldoorlog. Mettertyd het dit een van die land se mees vooruitstrewende tabakgebiede geword, maar sedert 1965 het diversifisering daartoe gelei dat nuwe gewasse ingevoer is, waaronder mielies, sojabone en sade. Beesboerdery het ook snel ontwikkel.
Die naam beteken volgens oorlewering "heksie" en is een van die min name wat nie ná die land se onafhanklikwording in 1980 verander is nie, omdat dit reeds inheems was. Blykbaar is hekse in die gelyknamige rivier onderdompel as deel van beproewing deur ontbering.
Bronne
wysig- Akers, Mary (red.), Encyclopaedia Rhodesia, The College Press Pvt. Ltd., Salisbury, 1973.
- Jongste bevolkingsyfer volgens World-Gazetteer