Katharinakerk, Gdansk

Die Neo-Gotiese Sint Katharinakerk in Gdansk, Pole is vermoedelik oorspronklik in 1185 deur vors Sobieslaw I van Pommere gestig wat hier 'n houtkerk laat oprig het. Dit is tussen 1227 en 1239 deur 'n steengebou vervang en in die 14de en 15de eeu aansienlik vergroot. Die kerk, wat voor 1945 Evangelies-Luthers was en tans as Rooms-Katolieke kerk dien, is die oudste in Gdansk en word naas die Mariakerk as die stad se tweede beduidendste sakrale gebou beskou.

Die Katharinakerk
Die Katharinakerk in die 1770's

Die kerkgebou huisves enkele beduidende skilderye wat deur Anton Müller en Izaak van den Blocke uitgevoer is asook die graf van die sterrekundige Johannes Hevelius.

Die kerk is gedurende die Tweede Wêreldoorlog in 1945 volledig vernietig en later volgens die oorspronklike bouplanne herbou. Die rekonstruksie van die kerktoring, wat 'n klokkespel met 49 klokke huisves, is eers in die 1980's voltooi. Die kerk huisves tans 'n klokmuseum.

FotogaleryWysig

Eksterne skakelsWysig