Katoenplukker
Die meganiese katoenplukker is 'n masjien wat katoen outomaties kan oes, op 'n manier wat oestyd verminder en vir maksimum doeltreffendheid sorg.
GESHIEDENIS
Katoen is oorspronklik met die hand geoes. In baie samelewings, soos Amerika, is gratis slawe-arbeid aangewend om katoen te pluk, met die verhoging van die plantasie-eienaar se winsmarges. Meganiese katoenpluk het prakties geword in 1944, toe International Harvester die eerste dosyn van hul suksesvolle kommersiële katoenplukkers vervaardig het.
Konvensionele plukker
wysig
Die eerste plukkers was slegs in staat om een ry katoen op 'n slag te oes, maar was nog steeds in staat om tot veertig handarbeiders te vervang. Deesdae se katoenplukker is 'n selfaangedrewe masjien wat katoenpluis en saadkatoen van die plant verwyder tot en met ses rye op 'n keer.
Daar is vandag twee tipes plukkers in gebruik. Die een is die "stripper"-plukker, hoofsaaklik in gebruik gevind in Texas en Arkansas. Dit verwyder nie net die pluis van die plant nie, maar ook 'n redelike deel van die ander plantdele (soos onoopgemaakte bolletjies). Later word die plantmateriaal geskei van die pluise deur 'n proses waar swaarder dele voor die pluise in die mandjie val op die agterkant van die plukker.
Die ander tipe plukker is die "spindle"-plukker. Dit maak gebruik van rye van doringdraad skilde wat teen 'n hoë spoed draai en die saadkatoen van die plant verwyder. Die saadkatoen word dan verwyder uit die skilde deur'n teenroterende doffer en dan in die mandjie ingeblaas. Sodra die mandjie vol is, gooi die plukker die saadkatoen in 'n "modulebouer". Die modulebouer skep 'n kompakte "baksteen" van saadkatoen, wat ongeveer 21,000 lb weeg (16 gepakte bale), wat kan gestoor word in die veld of in die "oeserf" totdat dit gepak word. Elke gepakte baal weeg ongeveer 480 lb (218.2 kg).
In ongeveer 2008 is die Case IH Module Express 625 ontwerp in samewerking met plukkers en produsente, om 'n katoenplukker te lewer met die vermoë om modules te bou terwyl daar geoes word.[1] 'n Bedryf-eksklusiewe aanboord ronde modulebouer is aangebied deur John Deere in 2007.[2]
Verwysings
wysig- ↑ Reuters - "Case IH Module Express 625 Streamlines Cotton Harvest" Geargiveer 1 Februarie 2013 op Wayback Machine besoek op 29 Maart 2017
- ↑ "argiefkopie". Geargiveer vanaf die oorspronklike op 3 Julie 2009. Besoek op 1 April 2017.
| Hierdie artikel is in sy geheel of gedeeltelik vanuit die Engelse Wikipedia vertaal. |
