Keabetswe Motsilanyane
Keabetswe 'KB' Motsilanyane (gebore 8 April 1979), ook bekend as KB Mamosadi, is 'n veelbekroonde Suid-Afrikaanse uitvoerende kunstenaar, sangeres, liedjieskrywer, vervaardiger, aktrise, danser en sakevrou.[1] Gebore en getoë in Moruleng, Noordwes in Suid-Afrika, het KB grootgeword met passie vir die musiek en kunste in die provinsie. Sy het aangesluit by die legendariese Suid-Afrikaanse groep, Crowded Crew, wat in die laat 1990's bekendheid verwerf het. In 2001 het KB as haarself by die e-TV-sepie Backstage aangesluit, wat saamgeval het met die vrystelling van haar debuutalbum, Beautiful Vibrations (2002), wat die trefferliedjie 'OA lla' bevat het, wat haar die naam Mamosadi besorg het. Sy is veral bekend vir haar rolle in die gewilde reekse Backstage, Mthunzini.com, Rhythm City en 7de Laan.[2]
Persoonlike lewe wysig
Sy is op 8 April 1979 gebore in Moruleng (buite Rustenburg), Suid-Afrika.
Sy was met Terry Pinana getroud voordat hulle in 2007 geskei het.[3] Sy is 'n ma van een seun.[4]
Loopbaan wysig
KB het tot dusver 6 albums vrygestel, wat haar 'n bekende bekroonde Suid-Afrikaanse kunstenaar maak. Sy is 'n alledaagse vermaaklikheidster wat arenas gedeel het met die beste van beide plaaslike en internasionale kunstenaars, Eve, Sibongile Khumalo, Busta Rhymes, Beyonce, Prime Circle, Ashanti, Dwele en Brandy.
Sy het haar toneelspelloopbaan in 1999 met teaterspel begin. Sy is veral bekend vir die program Backstage waar sy die rol van 'KayBee' vertolk het. Na haar vertrek op die program, het sy toe die rol van 'Lucilla Vilakazi' in die gewilde televisiereeks Rhythm City vertolk.[5] In 2017 het sy by die Afrikaanse gewilde sepie 7de Laan aangesluit waar sy die rol van 'n vurige prokureur, 'Lesedi', vertolk. KB het in 2008 en 2011 twee benoemings vir die Goue Horing-toekenning vir beste aktrise in 'n TV-sepie verower.[2]
Toekennings wysig
Sy het verskeie musiektoekennings ontvang: [2]
- 2003 Metro FM-toekenning Beste RnB
- 2003 Metro FM Toekennings Beste Nuweling
- 2003 SAMA Beste RNB
- 2004 Metro FM Toekenning Beste Vroulike Kunstenaar
- 2004 Metro FM-toekenning Beste RnB
- 2005 en 2006 Kid's Choice Awards Gunsteling Vroulike Kunstenaar
- 2005 Metro FM Toekenning Beste Vroulike Kunstenaar
- 2008 SAMA Beste Stedelike Pop 2008 Metro FM Toekenning Beste Gestileerde Kunstenaar
Verwysings wysig
- ↑ "KB MOTSILANYANE biography". afternoonexpress. Besoek op 29 November 2020.
{{cite web}}:|archive-date=requires|archive-url=(hulp) - ↑ 2,0 2,1 2,2 "KB Motsilanyane". briefly. Besoek op 29 November 2020.
{{cite web}}:|archive-date=requires|archive-url=(hulp) - ↑ "KB Motsilanyane: 'I love like an idiot'". timeslive. Besoek op 29 November 2020.
{{cite web}}:|archive-date=requires|archive-url=(hulp) - ↑ "KB Motsilanyane Finally Opens Up About Her Relationship With Ex Husband". youthvillage. Geargiveer vanaf die oorspronklike op 30 November 2021. Besoek op 29 November 2020.
- ↑ "KB Motsilanyane". tvsa. Besoek op 29 November 2020.
{{cite web}}:|archive-date=requires|archive-url=(hulp)