Kerkstraat 36, Tulbagh

Kerkstraat 36, ook bekend as Mon Bijou, is ’n nasionale gedenkwaardigheid op Tulbagh in die Wes-Kaap, Suid-Afrika. Dit is uitsonderlik vir dié straat omdat dit ’n verdiepinghuis is en die boustyl opmerklik van die gewone Kaaps-Hollandse rietdakhuise met ’n enkele voorgewel verskil.

Kerkstraat 30, Tulbagh.

Mon Bijou se ontwerp word aan die Kaapse argitek Louis Thibault (1750–1850) toegeskryf. Die huis is omstreeks 1812 in opdrag van mev. C.M. de Wet gebou. Vanaf omstreeks 1848 is dit vyf jaar lank as magistraatshof gebruik en later het dit ook ’n tyd lank as skoolkoshuis gedien. Meer onlangse eienaars, die egpaar Silberberg, het dit die naam Mon Bijou gegee. Dit was ook hulle wat die huis ná die aardbewing van 1969 laat restoureer het.

Bronne

• (en) Richardson, Deirdré. 2001. Historic sites of South Africa. Cape Town: Struik.