Ketoi (Russies: Кетой; Japannees: 計吐夷島, Ketoi-tō) is 'n onbewoonde vulkaniese eiland naby die middel van die Koerile-argipel in die See van Ochotsk, noordwestelike Stille Oseaan. Dit val in die Sachalin-oblast van Rusland. Die naam kom van die inheemse taal Ainoe en beteken "skelet" of "sleg".

Ketoi
Eiland van die Koerile
'n Nasa-foto van Ketoi.
'n Nasa-foto van Ketoi.
Kuriles Ketoy.PNG
Ligging See van Ochotsk
Plaaslike naam Кетой
計吐夷島
Argipel Koerile
Oppervlakte 71,25 km2
Lengte 10 km
Breedte 9 km
Hoogste punt 1 172 m
Land Vlag van Rusland Rusland
Deelgebied Sachalin-oblast
Bevolking 0

BeskrywingWysig

Die vorm van die eiland is byna rond: Dit is sowat 10 km lank en 9 km breed, met 'n oppervlakte van 71,25 km2.[1] Die kuslyn is 38,3 km lank.

Ondanks die relatief klein oppervlakte, is die landskap taamlik uiteenlopend danksy die komplekse geomorfologie, wat stratovulkaniese keëls, kalderas, lawastrome, vulkaniese plato's, verskeie valleie, hoë en styl kuskranse, seeterrasse en rotsagtige strande insluit. Daar is talle riviere en strome; die meeste vloei na die suide en ooste.

Daar is twee hoofpieke: die berg Ketoi (1 172 m) oos van die 1,5 km breë varswaterkalderameer, wat 110 m diep en die bron van die Stotsjni-inham is wat in die Stille Oseaan invloei. Die tweede piek is Pallas (993 m) in die middel van die eiland, wat steeds 'n aktiewe vulkaan is. Die laaste uitbarsting was in 1960, en moontlik in 2013 en 2018.[2] Pallas het ook 'n kalderameer, die Glazok, wat 40 m diep is.

VerwysingsWysig

  1. "International Kuril Island Project(IKIP)". University of Washington Fish Collection or the respective authors. Geargiveer vanaf die oorspronklike op 2013-07-23. Besoek op 2009-12-03.
  2. "Ketoi: Eruptive History". Global Volcanism Program. Smithsonian Institution. Besoek op 2021-06-25.

SkakelsWysig