Kettingrat

'n Kettingrat is n meganiese komponent wat in verskeie toepassings vir roterende kragoordrag gebruik word. Dit bestaan uit 'n wiel met tande reg rondom waaroor 'n ketting skakel, om sodoende sonder om te gly, kragoordrag aan 'n volgende kettingrat voorsien. 'n Kettingrat word gewoonlik op 'n as vasgemaak met 'n splitpen wat in 'n speigleuf op beide die kettingrat en as pas.

'n Kettingrat met 'n ketting rondom

'n Versameling kettingratte vir montering op 'n resiesfiets.

Belangrikheid van geen glip

By sekere meganiese toestelle is "glip" of glyery op kragoordragmeganismes 'n groot probleem, want as die hoekverplasing van die twee aste uit fase is kan dit skade aan die masjien veroorsaak. 'n Goeie voorbeeld hiervan is 'n binnebrandenjin. Wanneer die suier opkom moet die kleppe toe wees, anders sal die suier die kleppe raakslaan, wat wanrigting op die suier kan veroorsaak en dan die enjin as 'n geheel buite werking kan laat. Om hierdie rede word 'n ketting en kettingrat dikwels gebruik vir die tydhou van enjins se kleppe met behulp van 'n nokas.