Kevin Kline
Kevin Delaney Kline (gebore op 24 Oktober 1947) is ’n Amerikaanse akteur van die verhoog en rolprente, komediant en sanger. Hy het ’n Oscar en twee Tonys gewen, en is in 2003 in die Amerikaanse Teater-eresaal opgeneem.[1]
| Kevin Kline | |
| |
Kline in 2010.
| |
| Geboortenaam | Kevin Delaney Kline |
|---|---|
| Geboorte | 24 Oktober 1947 |
| Aktiewe jare | 1972-tans |
Loopbaan
wysig
Kline het sy loopbaan op die verhoog in 1972 begin by The Acting Company. Hy het twee Tonys gewen vir sy werk in Broadway-musiekspele: vir die 1978-produksie van On the Twentieth Century en die 1981-weergawe van The Pirates of Penzance.[2]
Hy het die volgende jaar sy rolprentdebuut teenoor Meryl Streep in Sophie's Choice gemaak. Vir sy rol in die 1988-komedie A Fish Called Wanda het hy die Oscar vir beste manlike byspeler gewen. In 2003 was hy Falstaff in die Broadway-produksie Henry IV, en daarvoor het hy die Drama Desk-prys gewen.
Hy is ook benoem vir ’n Emmy, twee Baftas en vyf Golden Globes, en het in 2004 ’n ster op die Hollywood Walk of Fame gekry.
Sy ander prente sluit in The Big Chill (1983), Silverado (1985), Cry Freedom (1987), Dave (1993), The Hunchback of Notre Dame (1996), The Ice Storm (1997), In & Out (1997), De-Lovely (2004) en My Old Lady (2014).
Verwysings
wysig- ↑ "Theater honors put women in the spotlight" (in Engels). Pittsburgh Post-Gazette. Geargiveer vanaf die oorspronklike op 4 Maart 2016. Besoek op 22 Desember 2015.
- ↑ Kevin Kline in die Internet-Broadway-databasis
Eksterne skakels
wysig- Kevin Kline in die Internet-rolprentdatabasis
Wikimedia Commons het meer media in die kategorie Kevin Kline.
Hierdie artikel is vertaal uit die Engelse Wikipedia
