Kimberly Klacik
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Kimberly Klacik (gebore 19 Januarie 1982) is 'n Amerikaanse politikus van die Republikeinse Party wat verkies is as lid van die Baltimore County Republican Central Committee.
.jpg)
Lewe en loopbaan
wysigMev. Klacik het grootgeword in Accokeek, Prince George's County, Maryland, wat eens bekend was as die tuiste van die Beretta wapenfabrikaat.
Sy studeer aan Bowie State-universiteit en beplan om 'n radiojoernalis te word, voordat sy besluit om 'n politiese aktivis te word. Sy staak om gesondheidsredes haar studies. Klacik het gesê dat sy sedert 15-jarige ouderdom aan 'n haarverlies-siekte gely het. Die sielkundige uitval vanweë hierdie siekte het daartoe gelei dat sy betrokke geraak het by organisasies wat mense met soortgelyke probleme bystaan.
Sy verhuis in 2010 na Baltimore nadat sy en haar man verloof is.[1]
In 2013 stig sy "Potential Me", 'n nie-winsgewende organisasie wat vrouens help met ontwikkeling in die werksplek.[2] Die organisasie het ongeveer 200 vrouens bygestaan om selfsorgsaam te word, en 30% van die vrouens het voortgegaan om finansiële onafhanklikheid te verkry.[3]
Sy verloor in April 2020 die tussenverkiesing vir Maryland se 7de kiesafdeling in Baltimore teen haar teenstander Kweisi Mfume. Die verkiesing was nodig na die afsterwe van Elijah Cummings.
Sy is die Republikeinse kandidaat vir Maryland se 7de kiesafdeling vir die 2020 Amerikaanse verkiesing vir die Huis van Verteenwoordigers in die Amerikaanse Kongres.
Klacik het na 'n veelbesproke veldtog-video wat meer as 11 miljoen keer op Twitter besigtig is, tydens die 2020 Republikeinse Nasionale Konvensie gepraat oor die video en oor die verval van Baltimore.[4]
Kimberly Klacik woon in Middle River, Maryland. Sy is getroud met haar man Jeff. Die egpaar het 'n driejarige dogter.
2020 verkiesingsuitslae
wysigKlacik het op 3 November 2020 tydens die verkiesing vir die Amerikaanse Huis van Verteenwoordigers vir Maryland se 7de kiesafdeling teen die demokratiese kandidaat verloor, ten spyte van 'n verdienstelike veldtog.[5]
Verwysings
wysig- ↑ https://www.baltimoresun.com/politics/bs-md-pol-whos-who-district-7-klacik-20200205-tpuj4p6ofng25e6p5i4oisxvgy-story.html Besoek en opgespoor op 20/08/2020
- ↑ https://nypost.com/2020/08/19/trump-backs-gop-candidate-trying-to-flip-baltimore-house-seat/ Opgespoor en besoek op 20/08/2020
- ↑ https://kimkforcongress.com Geargiveer 17 April 2021 op Wayback Machine Opgespoor en besoek op 20/08/2020
- ↑ https://www.kusi.com/baltimore-congressional-candidate-kimberly-klacik-previews-her-speech-at-the-rnc/ Opgespoor en besoek op 25/08/2020
- ↑ https://townhall.com/tipsheet/bethbaumann/2020/11/03/despite-a-hard-fight-gop-rising-star-kimberly-klacik-loses-md-congressional-race-n2579408 Opgespoor en besoek op 4 November 2020
