Kinloch Castle

Kinloch Castle (Skots-Gaelies: Caisteal Cheann Locha) is 'n laat-Victoriaanse kasteelagtige herehuis wat tussen 1897 en 1900 teen 'n koste van £250 000 - £15 miljoen volgens die huidige waarde van die Britse pond - op die eiland Rùm, een van die sogenaamde Small Isles langs die kus van Skotland, opgerig is. Die kasteel het as privaat woning en somerkasteel vir Sir George Bullough, 1ste Baronet gedien, 'n tekstielmagnaat uit Lancashire wie se vader Rùm as somerverblyfplek en jaggrond gekoop het.

Die ingangsaal

'n Rare tegniese juweel van onskatbare waarde - Kinloch Castle se elektriese orchestrion, die Edwardiaanse ekwivalent van 'n hoëtroustel. Die draaiorrel-gebaseerde toestel is in staat om 'n orkes met 40 musici te simuleer - of marsliedere, polka's, uittreksels uit gewilde operatonele en die treffers van sy tyd. Net agt orchestrions is, sover bekend - en hierdie een werk steeds. Amerikaanse en ander besoekers mag na 'n wonderlike opvoering van The Liberty Bell March luister

Orchestrions was die Bang and Olufsen-luukse hoëtroustelle van hul tyd. Die orchestrion in Kinloch Castle is oorspronklik deur die onderneming Imhof und Mukle in die Swartwoudstad Vöhrenbach in Duitsland vir koningin Victoria vervaardig. Sy is orlede voordat dit afgelewer kon word

Die orchestrion se staanplek onder die trap. Sommige van die orrelpype is gemodifiseer om in te pas

Wat sy gerieflikhede betref, was Kinloch Castle sy tyd vooruit. Dit was die eerste privaat woning in Skotland wat van 'n interne telefoonstelsel voorsien is en daarnaas oor 'n sentrale verwarming, lugreëling en sy eie kragopwekker beskik het.

Alhoewel Kinloch Castle in sy huidige toestand steeds as een van die bes bewaarde Edwardiaanse hoërklaswonings beskou word, bly sy toekoms onseker omrede omvattende restourasiewerk benodig word. Kasteel en eiland is tans in besit van Scottish Natural Heritage wat 'n deel van Kinloch Castle tot 2015 as toeristeherberg bedryf het. Besigtigingstoere deur die kasteel se hoofvertrekke word steeds aangebied.

In 1996 is die Kinloch Castle Friends Association gestig om die toekoms van Kinloch Castle op die lang termyn te verseker.

Eksterne skakels

Beskrywing (boekie met foto's)

---

• Scottish Natural Heritage: Kinloch Castle (argiefmateriaal)

Voorstel vir die toekoms van Kinloch Castle

---

• Kinloch Castle, Isle of Rum Conservation, Management and Business Plan Proposals relating to Proposals for Future of Kinloch - Castle Page & Park Architects, November 2002

Orchestrion

---

• The Musical Box Society of Great Britain - The Music Box, vol. 28, no. 5: Die orchestrion in Kinloch Castle
• The Musical Box Society of Great Britain - Queen Victoria's Orchestrion
• Voehrenbach.de: Orchestrion - Geschichte der Produktion mechanischer Musikinstrumente in Vöhrenbach^{[dooie skakel]}

Kunsskatte van Kinloch Castle

---

• Kinloch Castle Library - Die biblioteek van Kinloch Castle
• Art Treasures of Kinloch Castle - Blog

Media

---

• BBC Scotland, 1 Augustus 2013: Behind the doors of Kinloch Castle
• Youtube.com: Kinloch Castle Orchestrion