Knoop (snelheid)
'n Knoop is 'n maateenheid vir snelheid wat veral in seevaart en gemotoriseerde lugvaart gebruik word. Een knoop is een seemyl per uur. Een seemyl word as 1852 meter gedefinieer. Een knoop is dus 'n snelheid van 1.852 km/h of 0,514 44... m/s.
Let op dat mens nie van "knope per uur" as snelheidsaanduiding kan praat nie, omdat die definisie van knope reeds tyd insluit. Die eenheid "knope per uur" sal 'n versnelling of vertraging aandui, maar word egter nooit in die konteks gebruik nie.
Geskiedenis
wysig
Aanvanklik word die snelheid van seilskepe gemeet deur 'n houtbalk aan 'n lyn oorboord in die water in te gooi. Die houtbalk bly taamlik onbeweeglik in die water lê terwyl die boot vaar en die lyn afrol. Die snelheid is dan bepaal deur die hoeveelheid lyn wat aftol.
Eers word die lyn apart opgemeet, later word daar op reëlmatige afstande knope aangebring sodat die afgerolde lengte makliker bepaal kan word. Uiteindelik word die afstand van die knope genormaliseer op 47 voet en 3 duime, wat met 'n standaard sandglas van 28 sekondes regstreeks die snelheid in knope gee.
