Knud Rasmussen
Knud Rasmussen (*7 Junie 1879 – †21 Desember 1933) was ’n Deense ontdekkingsreisiger en antropoloog. Hy staan bekend as die “vader van Eskimologie”[1] en was die eerste Europeër wat die Noordwestelike Deurvaart per hondeslee oorgesteek het.[2] Hy is baie bekend in Groenland, Denemarke en onder die Kanadese Inuit.[3]
Knud Rasmussen | |
|---|---|
 | |
| Gebore | Knud Johan Victor Rasmussen 7 Junie 1879 |
| Sterf | 21 Desember 1933 (op 54) |
| Nasionaliteit | Groenlands, Deens |
| Beroep | Antropoloog, ontdekkingsreisiger |
Vroeë jare
wysig
Rasmussen is in Ilulissat in Groenland gebore as die seun van ’n Deense sendeling, pastoor Christian Rasmussen en ’n Inuit-Deense vrou, Lovise Rasmussen (née Fleischer). Hy het twee sibbes gehad, onder wie ’n broer genaamd Peter Lim. Rasmussen het sy jeug in Groenland onder die Kalaaliit (Inuit) deurgebring waar hy op ’n jong ouderdom geleer het om Kalaaliitus te praat, te jag, hondesleë te bestuur en in die genadelose Arktiese toestande te leef. “My speelmaats was inheemse Groenlanders: van my vroegste jare het ek saam met die jagters gespeel en gewerk sodat selfs die ontberings van die strafste sleeritte ’n aangename roetine vir my geword het.”[4] Hy is later opgevoed in Lynge in die noorde van Seeland. Tussen 1898 en 1900 het hy ’n onsuksesvolle loopbaan as akteur en operasanger gehad.[3][5]
Loopbaan
wysigRasmussen het sy eerste ekspedisie in 1902 tot 1904 onderneem wat bekend gestaan het as die Deense Literêre Ekspedisie saam met Jørgen Brønlund, Harald Moltke en Ludvig Mylius-Erichsen. Die ekspedisie het die Inuit-kultuur ondersoek. Na hulle terugkeer het hy ’n reeks lesings gelewer en Die Mense van die Polêre Noorde in 1908 gepubliseer, ’n gekombineerde reisjoernaal en wetenskaplike vertelling van Inuit-volksverhale. Hy het in 1908 met Dagmar Andersen getrou.
Eerbetoon
wysigRasmussen is in 1912 met ’n Eregenootskap van die Amerikaanse Geografiese Genootskap vereer en in 1924 het hy dié genootskap se Dalymedalje ontvang.[6] In 1924 het hy ook ’n ere-doktorsgraad van die Universiteit van Kopenhagen ontvang.
Notas
wysig- ↑ Jean Malaurie, 1982.
- ↑ (en) Knud Johan Victor Rasmussen Geargiveer 12 Oktober 2010 op Wayback Machine, biography by Sam Alley. Minnesota Staatsuniversiteit.
- ↑ 3,0 3,1 Elizabeth Cruwys, 2003.
- ↑ Knud Rasmussen, 1927, Across Arctic America, Introduction.
- ↑ "Life and history:". ilumus.gl. Geargiveer vanaf die oorspronklike op 2 Januarie 2008. Besoek op 6 Januarie 2008.
- ↑ (en) "Amerikaanse Geografiese Genootskap Eregenootskappe" (PDF). amergeog.org. Geargiveer vanaf die oorspronklike (PDF) op 26 Maart 2009. Besoek op 2 Maart 2009.
Bibliografie
wysigPrimêr
- Rasmussen, Knud (1908). The People of the Polar North. Geredigeer deur G. Herring.
- Rasmussen, Knud (1921). Greenland by the Polar Sea: The Story of the Thule Expedition from Melville Bay to Cape Morris Jesup. Vert. deur Asta en Rowland Kenny. Uitgegee deur W. Heinemann.
- Rasmussen, Knud (1927). Across Arctic America: Narrative of the Fifth Thule Expedition.
- Rasmussen, Knud (author), Cole, Terrence (introduction, editor). Across Arctic America: Narrative of the Fifth Thule Expedition. Universiteit van Alaska Pers; Herdruk (Februarie 1999). ISBN 0-912006-93-5 (hard) ISBN 0-912006-94-3 (slapband).
- Rasmussen, Knud (1946–52). The Fifth Thule Expedition, 10 volumes. Postuum uitgegee deur mede-ontdekkingsreisigers.
Secondêr
- Cruwys, Elizabeth (2003). "Rasmussen, Knud (1879-1933)", in Literature of Travel and Exploration: An Encyclopedia, volume 3. ISBN 1-57958-247-8
- Malaurie, Jean (1982). The Last Kings of Thule: With the Polar Eskimos, as They Face Their Destiny, vert. Adrienne Folk.
- Markham, Clements R. (1921). The Lands of Silence: A History of Arctic and Antarctic Exploration. Cambridge University Press.
Aanlyn
- Rasmussen, Knud (versamelaar), Worster, W. (redakteur, vertaler). Eskimo Folk Tales. Londen: Gyldendal, ens. 1921. Geskandeer, geïllustreer by Internet Archive
- Rasmussen, Knud. Across Arctic America: Narrative of the Fifth Thule Expedition. New York: G. P. Putnam's Sons, 1927. Geskandeer, geïllustreer by Internet Archive.
Eksterne skakels
wysig- Knud Johan Victor Rasmussen Geargiveer 12 Oktober 2010 op Wayback Machine, biography by Sam Alley. Minnesota State University.
- Knud Rasmussen-kollege Geargiveer 4 Januarie 2013 op Wayback Machine, Groenland.
- Knud Rasmussen-huis, Denemarke Geargiveer 19 Julie 2011 op Wayback Machine
- Die Knud Rasmussen-genootskap in Denemarke
- Knud Rasmussen by Find a Grave
| Hierdie artikel is in sy geheel of gedeeltelik vanuit die Engelse Wikipedia vertaal. |
