Koninklike Lyfwagte (Denemarke)
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Koninklike Lyfwagte ((da) Den Kongelige Livgarde) is ’n leërregiment van die Deense Weermag wat in 1658 deur Koning Frederik III op die been gebring is. Dit verrig twee take: eerstens dien dit as ’n frontlinie-gevegseenheid en tweedens as ’n wag/seremoniële eenheid vir die Deense monargie. Die Koninklike Lyfwagte bied beskerming as wagte by die Amalienborgpaleis, Kastellet (’n deel van die ou verskansing van Kopenhagen), Rosenborgkasteel/garnisoen van die Lyfwagte in Kopenhagen en die garnisoen in Høvelte. By geleentheid sal daar ook wag gehou word by Frederiksborg-paleis, Marselisborgpaleis, Gråstenpaleis, Christiansborgpaleis en ander plekke binne die Deense koninkryk. Die uniform wat die Koninklike Lyfwagte dra terwyl hulle in diens is, is donkerblou. Die volle mondering stem baie ooreen met dié van die Lyfwag te Voet-regimente van die Britse Weermag: ’n skarlakenrooi soldatebaadjie, blou broek en ’n beervelhooftooisel met die regiment se baretkenteken op (die son en Koninklike Wapenskild), saam met die simboliese infanteriesabel, wat deel is van die buit uit die Eerste Sleeswykoorlog (1848-1850) en oorspronklik ’n Franse infanteriesabel was. Gedurende sy diens in die Deense Koninklike Lyfwagte het Kroonprins Frederik ’n Sersantrang beklee.
Eksterne skakels
wysig- Amptelike webruimte Geargiveer 20 Julie 2008 op Wayback Machine
- Den Kongelige Livgardes Musikkorps Geargiveer 28 Junie 2007 op Wayback Machine