Koos van der Merwe (sanger)

Suid-Afrikaanse sanger, digter, en predikant

Koos van der Merwe is 'n Suid-Afrikaanse sanger, digter en liedjieskrywer. Hy sing liedjies van bekende liedjieskrywers soos Bob Dylan en Leonard Cohen in Afrikaans, asook liedjies wat hy self skryf. Hy het bekendheid verwerf as deel van die groep Prophet met die treffer Houtkruis en is ook 'n predikant.

Koos van der Merwe
Gebore1960
Pretoria, Suid-Afrika
GenresLigte Afrikaanse musiek
Beroep(e)Sanger, liedskrywer, digter, predikant[1]
InstrumenteStem, kitaar
Webwerfwww.koosvandermerwe.com

Biografie wysig

Van der Merwe is in Pretoria gebore en matrikuleer aan die Hoërskool Edenvale. Daarna behaal hy 'n teologiese kwalifikasie aan die Aucklandpark Teologiese Seminarium (cum laude), 'n Honneursgraad in Teologie aan Die Randse Afrikaanse Universiteit (cum laude), 'n Meestersgraad in Teologie by RAU (cum laude), en ook sy Doktorsgraad by RAU in die Sielkundige Opvoedkunde.[2]

In die 1980's begin hy saam met Theo Geyser die musiekgroep Prophet, wat met agt ATKV-Liertoekennings vereer is vir Mees Uitnemende Geestelike Musiek.[3]

Tussen Januarie 2010 en 2017 was hy verantwoordelik vir die tydskrif Sarie se agterbladrubriek Laaste Sê, nadat hy reeds vir jare die rubriek Sielsdinge in dié tydskrif behartig het.

In 2013 stel Van der Merwe die album Leonard Cohen in Afrikaans vry en die album bereik goue status in 2014 waarna hy 'n album met Bob Dylanliedjies, Tamboerynman vrystel.

In 2017 stel Koos van der Merwe sy solo-album Droom Martha Droom vry, en begin vir die agterbladrubriek van die vrouetydskrif Finesse skryf, nadat hy 15 jaar lank by die tydskrif Sarie betrokke was.

Diskografie wysig

Albums wysig

  • Leonard Cohen in Afrikaans, 2013
  • Tamboerynman, 2015
  • Droom Martha Droom, 2017
  • Vlugplek, 2017

Verwysings wysig

  1. Bio: Dr. Koos van der Merwe Geargiveer 14 Julie 2019 op Wayback Machine, www.koosvandermerwe.com. Besoek op 14 Julie 2019.
  2. Wie is Koos van der Merwe?[dooie skakel], www.koosvandermerwe.com. Besoek op 14 Julie 2019.
  3. Elektroniese Christelike kernensiklopedie: Prophet (Sanggroep) Geargiveer 14 Julie 2019 op Wayback Machine, cke.christians.co.za. Besoek op 14 Julie 2019.