Kordylewski-wolke
Die Kordylewski-wolke, ook spookmane genoem, is konsentrasies stof wat by die punte L4 en L5 van die Aarde-Maan-stelsel voorkom.[1][2][3]
Hulle is in die 1960's die eerste keer aangemeld deur die Poolse sterrekundige Kazimierz Kordylewski, en die bestaan daarvan is in Oktober 2018 deur die Konininklike Sterrekundige Vereniging bevestig.[2][3][4]
Ontdekking en waarneming
wysigKordylewski het in 1951 begin soek na 'n fotometries bevestigbare konsentrasie stof by die Lagrange-punte.[5][6]
Nadat Josef Witkowski 'n verandering van metode voorgestel het, het Kordylewski die wolke in 1956 die eerste keer gesien.[7] Tussen 6 Maart en 6 April 1961 het hy twee helder kolle naby die L5-punt afgeneem. In die tyd van waarneming het dit skaars gelyk of die twee kolle beweeg het met betrekking tot L5.[6]
In 1967 het J. Wesley Simpson die wolke met behulp van die Kuiper-lugsterrewag gesien.[8] In Oktober 2018 is berig die bestaan van die Kordylewski-wolke is deur die Konininklike Sterrekundige Vereniging bevestig.[2][3][4] In 1992 het die Japannese Hiten-ruimtetuig egter deur die Lagrange-punte gevlieg en geen stofdeeltjies waargeneem wat digter as die omringende ruimte was nie.[7][9] Dit ontken egter nie die wolke se bestaan nie, want Hiten het net vir een omwenteling om elke punt gebly en kon die wolke misgekyk het.[10]
Om dié uiters dowwe wolke te kon sien is polarimetrie gebruik. Dit is opsporing deur middel van hulle polarisasiepatrone en nie hoofsaaklik hulle helderheid nie.[2]
Voorkoms
wysigDie Kordylewski-wolke is 'n baie dowwe verskynsel, wat met die helderheid van die gegenschein vergelyk kan word.[11] Dit is baie moeilik om hulle van die Aarde af te sien,[7] maar hulle sal op 'n baie donker en helder nag met die blote oog sigbaar kan wees. Die meeste aangetekende waarnemings is gedoen uit woestyne, ter see en van berge af.[11] Die wolke lyk effens rooier as die gegenschein, wat daarop dui dat hulle uit 'n ander soort deeltjie bestaan.[7]
Die Kordylewski-wolke kom naby die L4- en L5-punt van die Aarde-Maan-stelsel voor. Hulle skynbare grootte is omtrent 6 grade.[7] Die wolke kan tot 6 of 10 grade van dié punte af dryf.[11] Volgens ander waarnemings beweeg hulle tussen die L-punte rond met sowat 6 by 2 grade.[7]
Sien ook
wysigVerwysings
wysig- ↑ Drew MacFarlane (5 November 2018). "Pair of 'Ghost Moons' Found in Orbit With Earth". The Weather Channel. Besoek op 30 Oktober 2023.
- ↑ 2,0 2,1 2,2 2,3 Royal Astronomical Society (26 Oktober 2018). "Earth's dust cloud satellites confirmed". EurekAlert!. Besoek op 27 Oktober 2018.
- ↑ 3,0 3,1 3,2 Slíz-Balogh, Judit; Barta, András; Horváth, Gábor (11 November 2018). "Celestial mechanics and polarization optics of the Kordylewski dust cloud in the Earth–Moon Lagrange point L5 – I. Three-dimensional celestial mechanical modelling of dust cloud formation". Monthly Notices of the Royal Astronomical Society. 480 (4): 5550–5559. arXiv:1910.07466. Bibcode:2018MNRAS.480.5550S. doi:10.1093/mnras/sty2049. S2CID 125609141.
- ↑ 4,0 4,1 Slíz-Balogh, Judit; Barta, András; Horváth, Gábor (1 Januarie 2019). "Celestial mechanics and polarization optics of the Kordylewski dust cloud in the Earth–Moon Lagrange point L5 – Part II. Imaging polarimetric observation: new evidence for the existence of Kordylewski dust cloud". Monthly Notices of the Royal Astronomical Society. 482 (1): 762–770. arXiv:1910.07471. Bibcode:2019MNRAS.482..762S. doi:10.1093/mnras/sty2630.
- ↑ Dobbins, Thomas A. (18 September 2007). Biographical Encyclopedia of Astronomers: Kordylewski, Kazimierz. Springer. ISBN 9780387304007.
- ↑ 6,0 6,1 Kordylewski, Kazimierz (1961). "Photographische Untersuchungen des Librationspunktes L5 im System Erde-Mond". Acta Astronomica (in Duits). 11 (3): 165–169.
- ↑ 7,0 7,1 7,2 7,3 7,4 7,5 Laufer, Rene (February 2007). "The Kordylewsky Clouds — an Example for a Cruise Phase Observation During the Lunar Mission BW1" in 11th ISU Annual International Symposium.. Besoek op 2018-10-28.
- ↑ Simpson 1967.
- ↑ "Hiten". NASA Space Science Data Coordinated Archive. Nasa. Besoek op 8 Maart 2009.
- ↑ Wang, Peng; et al. (27 Februarie 2021). "Ground- and Space-Based Observation of Kordylewski Clouds" (PDF). Space: Science & Technology. 2021: 5. doi:10.34133/2021/6597921. 6597921. Besoek op 18 Mei 2022.
- ↑ 11,0 11,1 11,2 Covington, Michael A. (1999). Astrophotography for the Amateur. Cambridge University Press. pp. 32–33. ISBN 978-0-521-62740-5.
Nog bronne
wysig- Simpson, J. Wesley (Februarie 1967). "Dust Cloud Moons of the Earth". Physics Today]]. 20 (2): 39–46. Bibcode:1967PhT....20b..39S. doi:10.1063/1.3034149.
- Winiarski, Maciej (1989). "Photographic Observations of the Clouds in the Neighbourhood of Libration Point L5 of the Earth–Moon System". Earth, Moon, and Planets. 47 (2): 193–215. Bibcode:1989EM&P...47..193W. doi:10.1007/BF00058142. S2CID 119559523.
- Roach, J. R. (Januarie 1975). "Counterglow from the earth-moon libration points". Planetary and Space Science. 23 (1): 173–81. Bibcode:1975P&SS...23..173R. doi:10.1016/0032-0633(75)90077-x. Besoek op 28 November 2010.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
