Kortbroek

'n Kortbroek is 'n materiaalkledingstuk wat deur beide mans en vroue gedra word om hul bekkenarea te bedek. Dit omkring die middellyf en verdeel ondertoe in twee broekspype om die boonste gedeelte van die bene te bedek. Soms strek dit laer af tot by die knieë, maar bedek nie die hele beenlengte nie. Dit word 'n "kortbroek" genoem omrede dit 'n kort weergawe van die broek is, wat die hele been bedek. Kortbroeke word tipies in warm weer gedra, of in 'n omgewing waar die gemak en lugvloei belangriker is as die beskerming van die bene.

Boy Scouts in hul kortbroeke. (Meksiko, 2010)

'n Dame en 'n man dra elk 'n kortbroek. Die dame s'n kan eerder as 'n sjoebroek beskryf word. (2011)

Daar is natuurlik 'n verskeidenheid van kortbroeke, wat wissel van knie-lengte kortbroeke, wat in sommige situasies selfs as formele drag gedra kan word (bv. vlootmatrose), tot swemklere en atletiekbroeke. Sommige soorte kortbroeke word tipies deur vroue gedra, soos sjoebroeke en ook culottes, wat 'n verdeelde romp is wat soos 'n lossnit kortbroek lyk.

Eksterne skakels

• Wikimedia Commons het meer media in die kategorie Kortbroek.