Koudeks

'n Koudeks is 'n knol, 'n verdikte wortel, stingel of deel van die stam van 'n plant wat vlak bo of vlak onder die grond groei. Die blare en die blomme sit op hierdie verdikte deel. Plante met 'n koudeks word by talle plantfamilies aangetref.

By xerofiete sterf die dele bo die koudeks gewoonlik tydens droogte af.

Stingelknolle kan van wortelknolle onderskei word. Aartappels en krokus het ondergrondse stingelknolle. Raapkool het 'n stingelknol wat bogronds kan wees. Indien die hele stingel opgeswel is, word dit 'n koudeksplant genoem.

Rooibeet en suikerbeet het 'n wortelknol, 'n verdikte wortel.

Plante met 'n koudeks is gewilde plante by versamelaars en kwekers van sukkulente.

Eksterne skakel

• Bihrmann.com

Hierdie artikel is (gedeeltelik) vertaal uit die Nederlandse Wikipedia. Sien bron.