Kulturele volksmoord
Kulturele volksmoord ([kɵltyː'rɪələ 'folksmʊərt]) is die opsetlike vernietiging van die kultuur van 'n groep mense. Die misdaad word meestal uitgevoer met gedwonge kulturele assimilasie, vernietiging van artefakte of plekke van kulturele betekenis, gedwonge linguistiese assimilasie, gedwonge verplasing van 'n groep se kulturele tuisland en gedwonge oordrag van kinders van een groep na 'n ander groep.[1] Dit word gedoen met die doel om 'n groep se geskiedenis en kultuur te vernietig, asook om enige spoor van 'n groep te vernietig (gewoonlik in gevalle waar dit saam met 'n fisiese volksmoord uitgevoer word).
- Sien ook: volksmoord
Onder ander moontlike redes kan kulturele volksmoord om godsdienstige redes gepleeg word, as deel van 'n etniese suiweringsveldtog (om bewyse van 'n volk se bestaan op 'n sekere plek of gedurende 'n spesifieke tydperk van die geskiedenis uit te wis, of om bewyse van hulle bestaan heeltemal uit te wis), of met die doel om 'n "Jaar Nul" te implementeer, waarin die verlede en alle kulture daarin "teruggestel" word.
Dade van kulturele vernietiging word dikwels kulturele volksmoord genoem, maar iets is slegs 'n kulturele "volksmoord" as dit uitgevoer word met die doel om 'n kultuur te vernietig. Andersins is dit net die vernietiging van kulturele belangrike artefakte.
Definisie
wysigDie Verenigde Nasies, die enigste entiteit met die mag om sy definisie van kulturele volksmoord af te dwing, beskou kulturele volksmoord nie as sy eie misdaad nie, maar eerder 'n tipe volksmoord.[2] Die VN was oorspronklik van plan om kulturele volksmoord in die Verenigde Nasies Verklaring oor die Regte van Inheemse Volke te definieer, maar het later besluit om te verwyder ten gunste van die voortgesette gebruik van "volksmoord" vir die vernietiging van dinge en plekke van kulturele betekenis.
Die term kulturele volksmoord (wat 'n letterlike vertaling van "cultural genocide" is) is saam met volksmoord deur die Poolse prokureur Raphael Lemkin geskep, wat dit in Axis Rule of Occupied Europe (Engels vir Spilmoondhede Reël van Besette Europa) gebruik het om die gruwels van die Holocaust te beskryf.
In die Internasionale Reg
wysig- Sien ook: Internasionale reg
Alle die volgende dade van kulturele volksmoord word deur die internasionale reg verbied, baie van hulle voor die Tweede Wêreldoorlog deur die 1907 Konvensie oor die Wette en Gewoontes van Oorlog op Grond.
Die Vernietiging van Kulturele Eiendom
wysigDie uitwissing van enige kulturele artefakte (soos boeke, kunswerke, strukture en plekke) word verbode.[3][4] Hierdie dade vernietig die fisiese geskiedenis van 'n groep, wat dit vir lede van die groep moeilik maak om met hulle verlede te skakel, en bewyse daarvan verwyder.
Die Vernietiging van Ontasbare Kulturele Erfenis
wysigDie onderdrukking van 'n groep se taal en kulturele aktiwiteite sowel as ander dade van gedwonge assimilasie word as dade van kulturele volksmoord beskou en word dus ook verbode.[2][5][6][7][8][9] Hieride handelinge skei 'n groep van sy kultuur en laat dus die mense binne die groep al hoe minder met die kultuur verbind voel, wat kulturele dood veroorsaak.
Verwysings
wysig- ↑ (en) Cultural Genocide: Legal Label or Mourning Metaphor? McGill Law Journal, lawjournal.mcgill.ca
- ↑ 2,0 2,1 (en) Convention on the Prevention and Punishment of the Crime of Genocide, Die Verenigde Nasies, un.org
- ↑ (en) Convention (IV) respecting the Laws and Customs of War on Land and its annex: Regulations concerning the Laws and Customs of War on Land. The Hague, 18 October 1907., Die Haag, icrc.org
- ↑ (en) Treaty on the Protection of Artistic and Scientific Institutions and Historic Monuments (Roerich Pact). Washington, 15 april 1935. Die Internasionale Rooi Kruis, icrc.org
- ↑ (en) International Covenant on Civil and Political Rights, die Verenigde Nasies, ohchr.org
- ↑ (en) International Convention on the Suppression and Punishment of the Crime of Apartheid, die Verenigde Nasies, un.org
- ↑ (en) Convention on the Rights of the Child, die Verenigde Nasies, ohchr.org
- ↑ (en) The Rome Statute of the International Criminal Court, die Verenigde Nasies, icc.cpi.int
- ↑ (fr) La Convention Pour la Sauvegarde du Patrimoine Culturel Immatériel, UNESCO, ich.unesco.org