Kundalila-waterval
waterval in Zambië
Die Kundalila-waterval in Zambië is bekend om sy besondere natuurskoon.
Die waterval in die Kaomberivier is 13km suidoos van Kanone in die Serenje-distrik en by die ruitverwysing 13° 9′ 15.41″ suid en 30° 42′ 8.94″ oos. Die water val vir 30m oor die kant van die Muchingaplato. Dit bestaan uit ‘n reeks stroomversnellings wat die water in dun wit sluiers van sproeiwater opbreek. Hierdie newel sak af na ‘n diep poel met helder water.
Vanaf die waterval is daar ‘n mooi uitsig oor die Luangwa-vallei. ‘n Voetpad vanaf die kampeerterrein lei deur baie ruie plategroei na die swemplek in die poel .
Kundalila beteken “koerende duif”.
Die val en direkte omgewing is in 1952 tot natuurmonument verklaar.
Bibliografie
wysig- https://luangwablondes.webs.com/waterfallsofzambia.htm
- getaway.co.za
- world-of-waterfalls.com
- zambiatourism.com