Kwassa kwassa

Kwassa kwassa is 'n dans, geskep deur 'n werktuigkundige in Kinshasa van die Demokratiese Republiek van die Kongo in die 1980's. Die beweging begin deur die heupe heen en weer te beweeg, waar die hande dan dieselfde beweging as die heupe volg. Dit was baie gewild in Afrika.

Die dans was gewild gemaak deur soukous musiek videos, sowel as die video's van Kanda Bongo Man, Pepe Kalle, Viva La Musica, en ander Kongolese musikante. Vir die eerste keer in die Kongo het al die groepe aan hierdie dans deelgeneem, wat nie baie gebeur het nie omdat elke groep gewoonlik verkies het om sy eie unieke dans te hê.

Etimologie

Die woorde kwassa kwassa is moontlik afkomstig van die Franse quoi ça? ("wat [is] dit?").

Oorsprong

In die 1980's het Kanda Bongo Man, 'n Parys-gebaseerde kunstenaar, kort uittreksels van soukous liedjies gebruik wat geskik was vir die dansvloer en alom bekend geraak het as kwassa kwassa, nadat die dansbewegings deur baie aangeneem is en ook deur ander kunstenaars gedoen is in hul musiekvideo's. Kunstenaars soos Diblo Dibala, Jeannot Bel Musumbu, Mblilia Bel, Yondo Sister, Tinderwet, Loketo, Rigo Star, Madilu System, Soukous Stars, Pepe Kalle en Koffi Olomide het ook spoedig hierdie roete van dans begin volg. Binnekort het Parys 'n tuiste geword vir Afrika en Karibiese markte.

'n Stadiger weergawe van hierdie genre is geskep en gewild gemaak deur Koffi Olomide en sy groep Quartier Latin. Hul liedjies word baie afgelaai regdeur Afrika in lande soos Botswana, Zambië, Zimbabwe, Suid-Afrika, Senegal en ander. Metavo is ook baie gewild in Suid-Afrika.

Hierdie soort van ritme is waarna verwys word in die 2008-lied "Cape Cod Kwassa Kwassa" deur die Amerikaanse indie rock groep Vampire Weekend.