Löfbergs Lila
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Löfbergs Lila is 'n Sweedse koffievervaardiger wat sy hoofkwartier in Karlstad het. Die maatskappy is in 1906 deur drie broeders – Josef, Anders en John Löfberg – gestig. Hulle het binnekort elf verskillende soorte koffie aangebied, waarvan die gewildste met sy lila verpakking as naamgewer vir die hele maatskappy gedien het.
| Löfbergs Ab | |
 | |
| Tipe | Aandelemaatskappy |
|---|---|
| Gestig | 1906 |
| Hoofkantoor | Karlstad, Swede |
| Gebied bedien | Skandinawië en Baltiese lande |
| Industrie | Koffievervaardiger |
| Produkte | Koffie |
| Inkomste | SEK1,5 miljard (2012/2013) |
| Werknemers | 300 (2013) |
| Moedermaatskappy | AB Anders Löfbergs kaffegrupp |
| Webwerf | lofbergs.se |
Vandag is Löfbergs Lila een van die grootste maatskappye in die Nordiese lande wat koffie rooster met sowat 200 werknemers en 'n markaandeel van 20 persent in Swede (1999). Die maatskappy is nog steeds in familiebesit en word deur die derde- en vierde-generasie-eienaars bestuur. 'n Boodskap en die handtekening van Kathrine Löfberg (vierde generasie), wat tans as bemarkingbestuurder fungeer, verskyn op elke verpakking van Löfbergs Lila-koffie. Die hoofkantoor en een van die koffieroosters is in Karlstad gesetel. 'n Tweede koffierooster is in Viborg in Denemarke opgerig. Löfbergs Lila is ook die eienaar van die teevervaardiger Kobbs.
Löfbergs Lila tree op as borg vir die yshokkiespan Färjestads BK en die stadion Löfbergs Lila Arena.