La Liga

La Liga (Spaans: [la ˈliɣa]; letterlik: "die Liga"; weens borgskapredes ook bekend as La Liga Santander) is die hoogste sokkerafdeling in Spanje. Twintig klubs speel in hierdie professionele sokkerliga. Elke klub speel twee keer per seisoen teen mekaar, met een weg-, en een tuiswedstryd. Die kampioen en naaswenner plaas hulleself vir die Supercopa de España (die Spaanse Superbeker) en vir die UEFA Champions League. Die plekke drie en vier plaas hulleself ook vir die Champions League en die vyfde plek sal in die UEFA Europa League speel. Teen die einde van die seisoen word die onderste drie spanne afgeskuif na die Secunda División (tweede vlak of divisie van Spaanse sokker). Al die 20 La Liga-spanne en die 22 Segunda División-spanne kwalifiseer saam sekere spanne uit die Segunda División B, Tercera División en Divisiones Regionales vir die Copa del Rey (Spaans vir: "Koningsbeker"). Die La Liga-wenner en die Copa del Rey-wenner sal dan om die Supercopa de España ("Superbeker van Spanje") meeding.

La Liga
2023–24 La Liga
Kenteken van La Liga
Sportsoort	Sokker
Gestig	1929
Eienaar	Liga de Fútbol Profesional
Inwydingseisoen	1929
Deelnemende lande	Spanje
Aantal spanne	20
Mees onlangse kampioen	FC Barcelona (2022–23)
Verwante kompetisies	Segunda División Copa del Rey Supercopa de España
Borg(e)	Santander

Die Copa del Rey ("Koningsbeker") is die oudste sokkertrofee in Spanje

Die Supercopa de España ("Superbeker van Spanje") word tussen die wenner en naaswenner van beide die Copa del Rey en La Liga uitgespeel

Real Madrid het met 35 titels die meeste titels gewen. FC Barcelona is tans die kampioen.

Klubs in 2022/23

• Almería
• Athletic Bilbao
• Atlético Madrid
• Barcelona
• Betis
• Cádiz
• Celta
• Elche
• Espanyol
• Getafe
• Girona
• Mallorca
• Osasuna
• Rayo Vallecano
• Real Madrid
• Real Sociedad
• Sevilla
• Valencia
• Valladolid
• Villarreal

Eksterne skakels

• Wikimedia Commons het meer media in die kategorie La Liga.
• (es) Amptelike webwerf