Lamborghini Aventador
Die Lamborghini Aventador is ’n sportmotor van die Italiaanse motorvervaardiger Lamborghini. Die Aventador betree in 2011 die motormark en is die opvolger van die Lamborghini Murciélago, nadat laasgenoemde se vervaardiging in 2010 gestaak is. Hierdie tweedeur, tweesitplek-supermotor is op 1 Maart 2011 by die Geneefse Internasionale Motorskou bekend gestel en is as die LP700-4 in produksie gestel.
Hy spog met ’n splinternuwe 6,5 ℓ V12-enjin, wat 515 kW (691 pk.) produseer. Dit is deur Filippo Perini van die Lamborghini Centro Stile, onder leiding van die Lamborghini hoofontwerper Manfred Fitzgerald, ontwerp.