Lee Miller
Elizabeth "Lee" Miller, lady Penrose (23 April 1907 - 21 Julie 1977), was 'n Amerikaanse fotograaf en fotojoernalis. Sy was in die 1920's 'n fotomodel in New York voordat sy haar in Parys gevestig het. Daar het sy die fotograaf Man Ray ontmoet en sy model,[1] medewerker en minnares geword.
Sy het ook self 'n mode- en kunsfotograaf geword. In 1932 het sy Ray verlaat en na New York teruggekeer, waar sy die Egiptiese sakeman Aziz Eloui Bey ontmoet het. Sy is in 1934 met hom getroud en het na Kaïro verhuis. In 1937 het sy teruggetrek na Parys, waar sy die surrealistiese skilder Roland Penrose ontmoet en later met hom getrou het.
Gedurende die Tweede Wêreldoorlog, terwyl sy in Londen gewoon het, was sy 'n oorlogskorrespondent vir die tydskrif Vogue, vir wie sy foto's geneem het van die Blitz, die bevryding van Parys en die konsentrasiekampe by Buchenwald en Dachau.[2]
Later in haar lewe het Miller gely aan depressie (later posttraumatiese stressteuring genoem). Sy is op 70-jarige ouderdom in Londen aan kanker dood.
Verwysings
wysig- ↑ Lee Miller at Manray-photo.com
- ↑ Rachel Cooke (19 September 2015). "Women at war:Lee Miller exhibition includes unseen images of conflict". The Guardian. Besoek op 20 September 2015.
Skakels
wysig
Wikimedia Commons het meer media in die kategorie Lee Miller.
Hierdie artikel is in sy geheel of gedeeltelik uit die Engelse Wikipedia vertaal.
