Lene Marlin

Lene Marlin (* 17 Augustus 1980) is 'n Noorse musikant. Sy is as Lene Marlin Pedersen op 17 Augustus 1980 in Tromsø, Noorweë gebore.

Lene Marlin
Lene Marlin
Agtergrondinligting
Geboortenaam	Lene Marlin Pedersen
Gebore	17 Augustus 1980 (1980-08-17) Tromsø, Noorweë
Genres	Pop, akoesties
Beroep(e)	Sangeres, liedjieskryfster, aktrise
Instrumente	Stem, klavier, kitaar
Jare aktief	1998 — hede
Etikette	EMI
Webwerf	www.lenemarlin.com

Biografie

Lene Marli is ontdek toe sy by die plaaslike radiostasie NRK Tromsø 'n proefopname gemaak het. So het sy in kontak met EMI Noorweë gekom, waar sy 'n kontrak aangebied is. In Oktober 1998 het haar eerste enkelspeler Unforgivable Sinner in Noorweë uitgekom, wat in 'n rekordtempo op nommereen op die Noorse trefferlyste beland het. In drie dae is 50 000 eksemplare verkoop; nooit vantevore is daar in Noorweë soveel eksemplare van 'n enkelspeler verkoop nie. Die nommer het in totaal agt weke lank op die trefferlyste geboer. Dit het later ook nommereen in Frankryk geword nadat dit in die rolprent Mauvaises Fréquentions gebruik is.

Die tweede enkelspeler, Sitting Down Here, het in Februarie 1999 uitgekom en is tot vandag toe haar grootste sukses. In Maart 1999 het Marlin se debuutalbum, Playing My Game, verskyn. Ook die album het vreeslik goed verkoop en dit was meteen 'n rede om dit in die res van Europa en Japan uit te bring. Huidig is twee miljoen eksemplare van die album verkoop. In Oktober 1999 is Where I'm Headed as derde enkelspeler van die album uitgebring.

Diskografie

• Playing My Game (1999)
• Another Day (2003)
• Lost in a Moment (2005)
• Twist the Truth (2009)

Eksterne skakels

• Amptelike webwerf Geargiveer 2 Februarie 2011 op Wayback Machine (en) (no)
• MySpace-profiel (en)
• Internet-rolprentdatabasis-profiel (en)