Leo V die Armeen

Leo V die Armeen (Grieks: Λέων Ε΄ ὁ Ἀρμένιος; 775 – 25 Desember 820) was die Bisantynse keiser van 813 tot 820. Hy was ’n senior generaal wat sy voorganger, Michael I, gedwing het om te abdikeer. Leo V het die dekade lange oorlog met die Bulgare beëindig. Hy is deur ondersteuners van Michael die Amoriaan, een van sy betroubaarste generaals, vermoor.

Leo V
Keiser van die Bisantynse Ryk
’n Goue muntstuk wat Leo V uitbeeld met sy seun en medekeiser, Konstantyn, op die keersy.
Bewind	813 – 25 Desember 820
Ander naam	Leo die Armeen
Gebore	775
Oorlede	25 Desember 820
Voorganger	Michael I
Opvolger	Michael II
Eggenote	Theodosia
Kinders	Konstantyn Basilius Gregorius Theodosius
Vader	Bardas

Bewind

Leo was die seun van die patrisiër Bardas, wat van Armeense afkoms was. In 811 het hy ’n goewerneur geword en in 812 goed gevaar in ’n oorlog teen die Arabiere. Op 11 Julie 813 het hy Michael I gedwing om te abdikeer en het hy keiser geword. Michael se vyf seuns is gekastreer om enige opstand te voorkom.

Leo het sy oudste seun, Symbatius, kort ná sy troonopvolging gekroon as medekeiser onder die naam Konstantyn. Ná ’n neerlaag teen die Bulgare, wat Konstantinopel beset het, het hy hulle in 814 verslaan. Hy het bevoegde militêre bevelvoerders aangestel, onder andere Michael die Amoriaan.

Toe hy Michael later tronk toe stuur weens ’n vermoedelike sameswering, het Michael die sluipmoord op die keiser in 820 georganiseer. Leo het ’n kerkdiens bygewoon toe hy aan stukke gekap is en Michael is bevry. Leo se ma en vrou is na kloosters verban en sy vier seuns, onder andere die medekeiser, Konstantyn (Symbatius), is gekastreer.

Gesin

Leo en sy vrou, Theodosia, het verskeie kinders gehad, onder andere:

• Konstantyn, (Symbatius), medekeiser van 814 tot 820.
• Basilius
• Gregorius
• Theodosius (dood in 820)

Bron

• The Oxford Dictionary of Byzantium, Oxford University Press, 1991.

Hierdie artikel is vertaal uit die Engelse Wikipedia